9. Buddhupaṭṭhāyikattheraapadānaṃ

38.

‘‘Veṭambhinīti ³ me nāmaṃ, pitusantaṃ ⁴ mamaṃ tadā;

Mama hatthaṃ gahetvāna, upānayi mahāmuniṃ.

39.

‘‘Imemaṃ uddisissanti, buddhā lokagganāyakā;

Tehaṃ upaṭṭhiṃ sakkaccaṃ, pasanno sehi pāṇibhi.

40.

‘‘Ekattiṃse ito kappe, buddhe upaṭṭhahiṃ ⁶ tadā;

Duggatiṃ nābhijānāmi, upaṭṭhānassidaṃ phalaṃ.

41.

‘‘Tevīsamhi ito kappe, caturo āsu khattiyā;

Samaṇupaṭṭhākā nāma, cakkavattī mahabbalā.

42.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā buddhupaṭṭhāyiko thero imā gāthāyo abhāsitthāti.

Buddhupaṭṭhāyikattherassāpadānaṃ navamaṃ.