| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. พุทฺธุปฎฺฐายิกเตฺถรอปทานํ
9. Buddhupaṭṭhāyikattheraapadānaṃ
๓๘.
38.
มม หตฺถํ คเหตฺวาน, อุปานยิ มหามุนิํฯ
Mama hatthaṃ gahetvāna, upānayi mahāmuniṃ.
๓๙.
39.
‘‘อิเมมํ อุทฺทิสิสฺสนฺติ, พุทฺธา โลกคฺคนายกา;
‘‘Imemaṃ uddisissanti, buddhā lokagganāyakā;
เตหํ อุปฎฺฐิํ สกฺกจฺจํ, ปสโนฺน เสหิ ปาณิภิฯ
Tehaṃ upaṭṭhiṃ sakkaccaṃ, pasanno sehi pāṇibhi.
๔๐.
40.
ทุคฺคติํ นาภิชานามิ, อุปฎฺฐานสฺสิทํ ผลํฯ
Duggatiṃ nābhijānāmi, upaṭṭhānassidaṃ phalaṃ.
๔๑.
41.
‘‘เตวีสมฺหิ อิโต กเปฺป, จตุโร อาสุ ขตฺติยา;
‘‘Tevīsamhi ito kappe, caturo āsu khattiyā;
สมณุปฎฺฐากา นาม, จกฺกวตฺตี มหพฺพลาฯ
Samaṇupaṭṭhākā nāma, cakkavattī mahabbalā.
๔๒.
42.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา พุทฺธุปฎฺฐายิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā buddhupaṭṭhāyiko thero imā gāthāyo abhāsitthāti.
พุทฺธุปฎฺฐายิกเตฺถรสฺสาปทานํ นวมํฯ
Buddhupaṭṭhāyikattherassāpadānaṃ navamaṃ.
Footnotes:
