| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. બુદ્ધવન્દનાસુત્તવણ્ણના
7. Buddhavandanāsuttavaṇṇanā
૨૬૩. ઉટ્ઠહાતિ ઉટ્ઠાનં કાયિકવીરિયં કરોહિ. તેનાહ ‘‘વિચર, લોકે’’તિ. ચેતસિકવીરિયં પન ભગવતા મત્થકં પાપિતમેવ. તેનાહ ‘‘વિજિતસઙ્ગામા’’તિ. દ્વાદસયોજનિકસ્સ ઉચ્ચભાવેન. વિત્થારતો પન આયામતો ચ અનેકયોજનસતસહસ્સપરિમાણચક્કવાળં અતિબ્યાપેત્વા ઠિતસ્સ. પન્નભારાતિ પાતિતભાર. નિક્ખેપિતબ્બતો ભારાતિ આહ ‘‘ઓરોપિતખન્ધા’’તિઆદિ. તે હિ તંસમઙ્ગિનો પુગ્ગલસ્સ સમ્પાતનટ્ઠેન ભારા નામ. વુત્તઞ્હેતં ‘‘ભારા હવે પઞ્ચક્ખન્ધા’’તિ (સં॰ નિ॰ ૩.૨૨). તદેકદેસા ચ કિલેસાભિસઙ્ખારા. પન્નરસાય પુણ્ણમાય રત્તિન્તિ યથા પન્નરસપુણ્ણમાય રત્તિયં પરિપુણ્ણકાલે ઉપક્કિલેસવિમુત્તો ચન્દો સોભતિ, એવં તવ ચિત્તં સબ્બસો ઉપક્કિલેસવિમુત્તં સોભતીતિ અધિપ્પાયો.
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
બુદ્ધવન્દનાસુત્તવણ્ણના નિટ્ઠિતા.
Buddhavandanāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. બુદ્ધવન્દનાસુત્તં • 7. Buddhavandanāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. બુદ્ધવન્દનાસુત્તવણ્ણના • 7. Buddhavandanāsuttavaṇṇanā
