| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. বুদ্ধৰন্দনাসুত্তৰণ্ণনা
7. Buddhavandanāsuttavaṇṇanā
২৬৩. উট্ঠহাতি উট্ঠানং কাযিকৰীরিযং করোহি। তেনাহ ‘‘ৰিচর, লোকে’’তি। চেতসিকৰীরিযং পন ভগৰতা মত্থকং পাপিতমেৰ। তেনাহ ‘‘ৰিজিতসঙ্গামা’’তি। দ্ৰাদসযোজনিকস্স উচ্চভাৰেন। ৰিত্থারতো পন আযামতো চ অনেকযোজনসতসহস্সপরিমাণচক্কৰাল়ং অতিব্যাপেত্ৰা ঠিতস্স। পন্নভারাতি পাতিতভার। নিক্খেপিতব্বতো ভারাতি আহ ‘‘ওরোপিতখন্ধা’’তিআদি। তে হি তংসমঙ্গিনো পুগ্গলস্স সম্পাতনট্ঠেন ভারা নাম। ৰুত্তঞ্হেতং ‘‘ভারা হৰে পঞ্চক্খন্ধা’’তি (সং॰ নি॰ ৩.২২)। তদেকদেসা চ কিলেসাভিসঙ্খারা। পন্নরসায পুণ্ণমায রত্তিন্তি যথা পন্নরসপুণ্ণমায রত্তিযং পরিপুণ্ণকালে উপক্কিলেসৰিমুত্তো চন্দো সোভতি, এৰং তৰ চিত্তং সব্বসো উপক্কিলেসৰিমুত্তং সোভতীতি অধিপ্পাযো।
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
বুদ্ধৰন্দনাসুত্তৰণ্ণনা নিট্ঠিতা।
Buddhavandanāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. বুদ্ধৰন্দনাসুত্তং • 7. Buddhavandanāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. বুদ্ধৰন্দনাসুত্তৰণ্ণনা • 7. Buddhavandanāsuttavaṇṇanā
