| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
2. பு³த்³த⁴ஸ்ஸ அனுத்தரபா⁴வபஞ்ஹோ
2. Buddhassa anuttarabhāvapañho
2. ராஜா ஆஹ ‘‘ப⁴ந்தே நாக³ஸேன, பு³த்³தோ⁴ அனுத்தரோ’’தி? ‘‘ஆம, மஹாராஜ, ப⁴க³வா அனுத்தரோ’’தி. ‘‘கத²ங், ப⁴ந்தே நாக³ஸேன, அதி³ட்ட²புப்³ப³ங் ஜானாஸி ‘பு³த்³தோ⁴ அனுத்தரோ’’’தி? ‘‘தங் கிங் மஞ்ஞஸி, மஹாராஜ, யேஹி அதி³ட்ட²புப்³போ³ மஹாஸமுத்³தோ³, ஜானெய்யுங் தே, மஹாராஜ, மஹந்தோ கோ² மஹாஸமுத்³தோ³ க³ம்பீ⁴ரோ அப்பமெய்யோ து³ப்பரியோகா³ஹோ, யத்தி²மா பஞ்ச மஹானதி³யோ ஸததங் ஸமிதங் அப்பெந்தி, ஸெய்யதி²த³ங், க³ங்கா³ யமுனா அசிரவதீ ஸரபூ⁴ மஹீ, நேவ தஸ்ஸ ஊனத்தங் வா பூரத்தங் வா பஞ்ஞாயதீ’’தி ? ‘‘ஆம, ப⁴ந்தே, ஜானெய்யு’’ந்தி. ‘‘ஏவமேவ கோ², மஹாராஜ, ஸாவகே மஹந்தே பரினிப்³பு³தே பஸ்ஸித்வா ஜானாமி ‘ப⁴க³வா அனுத்தரோ’’’தி.
2. Rājā āha ‘‘bhante nāgasena, buddho anuttaro’’ti? ‘‘Āma, mahārāja, bhagavā anuttaro’’ti. ‘‘Kathaṃ, bhante nāgasena, adiṭṭhapubbaṃ jānāsi ‘buddho anuttaro’’’ti? ‘‘Taṃ kiṃ maññasi, mahārāja, yehi adiṭṭhapubbo mahāsamuddo, jāneyyuṃ te, mahārāja, mahanto kho mahāsamuddo gambhīro appameyyo duppariyogāho, yatthimā pañca mahānadiyo satataṃ samitaṃ appenti, seyyathidaṃ, gaṅgā yamunā aciravatī sarabhū mahī, neva tassa ūnattaṃ vā pūrattaṃ vā paññāyatī’’ti ? ‘‘Āma, bhante, jāneyyu’’nti. ‘‘Evameva kho, mahārāja, sāvake mahante parinibbute passitvā jānāmi ‘bhagavā anuttaro’’’ti.
‘‘கல்லோஸி, ப⁴ந்தே நாக³ஸேனா’’தி.
‘‘Kallosi, bhante nāgasenā’’ti.
பு³த்³த⁴ஸ்ஸ அனுத்தரபா⁴வபஞ்ஹோ து³தியோ.
Buddhassa anuttarabhāvapañho dutiyo.
