| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৩. বুদ্ধস্স অনুত্তরভাৰজাননপঞ্হো
3. Buddhassa anuttarabhāvajānanapañho
৩. রাজা আহ ‘‘ভন্তে নাগসেন, সক্কা জানিতুং ‘বুদ্ধো অনুত্তরো’’’তি? ‘‘আম, মহারাজ, সক্কা জানিতুং ‘ভগৰা অনুত্তরো’’’তি। ‘‘কথং, ভন্তে নাগসেন, সক্কা জানিতুং ‘বুদ্ধো অনুত্তরো’’’তি। ‘‘ভূতপুব্বং, মহারাজ, তিস্সত্থেরো নাম লেখাচরিযো অহোসি, বহূনি ৰস্সানি অব্ভতীতানি কালঙ্কতস্স কথং সো ঞাযতী’’তি। ‘‘লেখেন ভন্তে’’তি। ‘‘এৰমেৰ খো, মহারাজ, যো ধম্মং পস্সতি, সো ভগৰন্তং পস্সতি, ধম্মো হি, মহারাজ, ভগৰতা দেসিতো’’তি।
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
বুদ্ধস্স অনুত্তরভাৰজাননপঞ্হো ততিযো।
Buddhassa anuttarabhāvajānanapañho tatiyo.
