| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. බුද්ධසඤ්ඤකත්ථෙරඅපදානං
9. Buddhasaññakattheraapadānaṃ
43.
43.
‘‘උදෙන්තං සතරංසිංව, පීතරංසිංව භාණුමං;
‘‘Udentaṃ sataraṃsiṃva, pītaraṃsiṃva bhāṇumaṃ;
වනන්තරගතං සන්තං, ලොකජෙට්ඨං නරාසභං.
Vanantaragataṃ santaṃ, lokajeṭṭhaṃ narāsabhaṃ.
44.
44.
‘‘අද්දසං සුපිනන්තෙන, සිද්ධත්ථං ලොකනායකං;
‘‘Addasaṃ supinantena, siddhatthaṃ lokanāyakaṃ;
තත්ථ චිත්තං පසාදෙත්වා, සුගතිං උපපජ්ජහං.
Tattha cittaṃ pasādetvā, sugatiṃ upapajjahaṃ.
45.
45.
‘‘චතුන්නවුතිතො කප්පෙ, යං සඤ්ඤමලභිං තදා;
‘‘Catunnavutito kappe, yaṃ saññamalabhiṃ tadā;
දුග්ගතිං නාභිජානාමි, බුද්ධසඤ්ඤායිදං ඵලං.
Duggatiṃ nābhijānāmi, buddhasaññāyidaṃ phalaṃ.
46.
46.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා බුද්ධසඤ්ඤකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā buddhasaññako thero imā gāthāyo abhāsitthāti.
බුද්ධසඤ්ඤකත්ථෙරස්සාපදානං නවමං.
Buddhasaññakattherassāpadānaṃ navamaṃ.
