| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੦. ਬੁਦ੍ਧਨਿਦਸ੍ਸਨਪਞ੍ਹੋ
10. Buddhanidassanapañho
੧੦. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਬੁਦ੍ਧੋ ਅਤ੍ਥੀ’’ਤਿ? ‘‘ਆਮ, ਮਹਾਰਾਜ, ਭਗવਾ ਅਤ੍ਥੀ’’ਤਿ। ‘‘ਸਕ੍ਕਾ ਪਨ, ਭਨ੍ਤੇ ਨਾਗਸੇਨ, ਬੁਦ੍ਧੋ ਨਿਦਸ੍ਸੇਤੁਂ ਇਧવਾ ਇਧવਾ’’ਤਿ? ‘‘ਪਰਿਨਿਬ੍ਬੁਤੋ, ਮਹਾਰਾਜ, ਭਗવਾ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ, ਨ ਸਕ੍ਕਾ ਭਗવਾ ਨਿਦਸ੍ਸੇਤੁਂ ‘ਇਧ વਾ ਇਧ વਾ’’’ਤਿ।
10. Rājā āha ‘‘bhante nāgasena, buddho atthī’’ti? ‘‘Āma, mahārāja, bhagavā atthī’’ti. ‘‘Sakkā pana, bhante nāgasena, buddho nidassetuṃ idhavā idhavā’’ti? ‘‘Parinibbuto, mahārāja, bhagavā anupādisesāya nibbānadhātuyā, na sakkā bhagavā nidassetuṃ ‘idha vā idha vā’’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਮਹਤੋ ਅਗ੍ਗਿਕ੍ਖਨ੍ਧਸ੍ਸ ਜਲਮਾਨਸ੍ਸ ਯਾ ਅਚ੍ਚਿ ਅਤ੍ਥਙ੍ਗਤਾ, ਸਕ੍ਕਾ ਸਾ ਅਚ੍ਚਿ ਦਸ੍ਸੇਤੁਂ ‘ਇਧ વਾ ਇਧ વਾ’’’ਤਿ? ‘‘ਨ ਹਿ, ਭਨ੍ਤੇ, ਨਿਰੁਦ੍ਧਾ ਸਾ ਅਚ੍ਚਿ ਅਪ੍ਪਞ੍ਞਤ੍ਤਿਂ ਗਤਾ’’ਤਿ। ‘‘ਏવਮੇવ ਖੋ, ਮਹਾਰਾਜ, ਭਗવਾ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬੁਤੋ ਅਤ੍ਥਙ੍ਗਤੋ, ਨ ਸਕ੍ਕਾ ਭਗવਾ ਨਿਦਸ੍ਸੇਤੁਂ ‘ਇਧ વਾ ਇਧ વਾ’ ਤਿ, ਧਮ੍ਮਕਾਯੇਨ ਪਨ ਖੋ, ਮਹਾਰਾਜ, ਸਕ੍ਕਾ ਭਗવਾ ਨਿਦਸ੍ਸੇਤੁਂ। ਧਮ੍ਮੋ ਹਿ, ਮਹਾਰਾਜ, ਭਗવਤਾ ਦੇਸਿਤੋ’’ਤਿ।
‘‘Opammaṃ karohī’’ti. ‘‘Taṃ kiṃ maññasi, mahārāja, mahato aggikkhandhassa jalamānassa yā acci atthaṅgatā, sakkā sā acci dassetuṃ ‘idha vā idha vā’’’ti? ‘‘Na hi, bhante, niruddhā sā acci appaññattiṃ gatā’’ti. ‘‘Evameva kho, mahārāja, bhagavā anupādisesāya nibbānadhātuyā parinibbuto atthaṅgato, na sakkā bhagavā nidassetuṃ ‘idha vā idha vā’ ti, dhammakāyena pana kho, mahārāja, sakkā bhagavā nidassetuṃ. Dhammo hi, mahārāja, bhagavatā desito’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੁਦ੍ਧਨਿਦਸ੍ਸਨਪਞ੍ਹੋ ਦਸਮੋ।
Buddhanidassanapañho dasamo.
ਬੁਦ੍ਧવਗ੍ਗੋ ਪਞ੍ਚਮੋ।
Buddhavaggo pañcamo.
ਇਮਸ੍ਮਿਂ વਗ੍ਗੇ ਦਸ ਪਞ੍ਹਾ।
Imasmiṃ vagge dasa pañhā.
