| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. ব্রহ্মসুত্তৰণ্ণনা
8. Brahmasuttavaṇṇanā
৩৮৪. অট্ঠমে কাযে ৰা ভিক্খূতি তস্মিং কালে ভিক্খুযেৰ নত্থি, এৰং সন্তেপি যো সতিপট্ঠানে ভাৰেতি, সো কিলেসভিন্দনেন ভিক্খুযেৰাতি দস্সেন্তো এৰমাহ। একাযনন্তি একমগ্গং। জাতিক্খযন্তদস্সীতি জাতিযা খযোতি চ অন্তোতি চ নিব্বানং, তং পস্সতীতি অত্থো। মগ্গং পজানাতীতি একাযনসঙ্খাতং একমগ্গভূতং মগ্গং পজানাতি। একাযনমগ্গো ৰুচ্চতি পুব্বভাগসতিপট্ঠানমগ্গো, তং পজানাতীতি অত্থো।
384. Aṭṭhame kāye vā bhikkhūti tasmiṃ kāle bhikkhuyeva natthi, evaṃ santepi yo satipaṭṭhāne bhāveti, so kilesabhindanena bhikkhuyevāti dassento evamāha. Ekāyananti ekamaggaṃ. Jātikkhayantadassīti jātiyā khayoti ca antoti ca nibbānaṃ, taṃ passatīti attho. Maggaṃ pajānātīti ekāyanasaṅkhātaṃ ekamaggabhūtaṃ maggaṃ pajānāti. Ekāyanamaggo vuccati pubbabhāgasatipaṭṭhānamaggo, taṃ pajānātīti attho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. ব্রহ্মসুত্তং • 8. Brahmasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. ব্রহ্মসুত্তৰণ্ণনা • 8. Brahmasuttavaṇṇanā
