5. б̣раахман̣асуд̇д̇ам̣

5. Brāhmaṇasuttaṃ

5. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа жа саарибуд̇д̇о ааяасмаа жа махаамог̇г̇аллаано ааяасмаа жа махаагассабо ааяасмаа жа махаагажжаано ¹ ааяасмаа жа махаагодтиго ааяасмаа жа махаагаббино ааяасмаа жа махаажунд̣̇о ааяасмаа жа ануруд̣̇д̇хо ааяасмаа жа рзвад̇о ааяасмаа жа нанд̣̇о ² язна бхаг̇аваа д̇знубасан̇гамим̣су .

5. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca sāriputto āyasmā ca mahāmoggallāno āyasmā ca mahākassapo āyasmā ca mahākaccāno ³ āyasmā ca mahākoṭṭhiko āyasmā ca mahākappino āyasmā ca mahācundo āyasmā ca anuruddho āyasmā ca revato āyasmā ca nando ⁴ yena bhagavā tenupasaṅkamiṃsu .

ад̣̇д̣̇асаа ко бхаг̇аваа д̇з ааяасманд̇з д̣̇уурад̇ова ааг̇ажчанд̇з; д̣̇исваана бхигкуу ааманд̇зси – ‘‘зд̇з, бхигкавз, б̣раахман̣аа ааг̇ажчанд̇и; зд̇з, бхигкавз, б̣раахман̣аа ааг̇ажчанд̇ий’’д̇и. звам̣ вуд̇д̇з , ан̃н̃ад̇аро б̣раахман̣аж̇аад̇иго бхигку бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бханд̇з, б̣раахман̣о ход̇и, гад̇амз жа бана б̣раахман̣агаран̣аа д̇хаммаа’’д̇и?

Addasā kho bhagavā te āyasmante dūratova āgacchante; disvāna bhikkhū āmantesi – ‘‘ete, bhikkhave, brāhmaṇā āgacchanti; ete, bhikkhave, brāhmaṇā āgacchantī’’ti. Evaṃ vutte , aññataro brāhmaṇajātiko bhikkhu bhagavantaṃ etadavoca – ‘‘kittāvatā nu kho, bhante, brāhmaṇo hoti, katame ca pana brāhmaṇakaraṇā dhammā’’ti?

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘б̣аахид̇ваа баабагз д̇хаммз, яз жаранд̇и сад̣̇аа сад̇аа;

‘‘Bāhitvā pāpake dhamme, ye caranti sadā satā;

кийн̣асам̣яож̇анаа б̣уд̣̇д̇хаа, д̇з вз ⁵ логасми б̣раахман̣аа’’д̇и. бан̃жамам̣;

Khīṇasaṃyojanā buddhā, te ve ⁶ lokasmi brāhmaṇā’’ti. pañcamaṃ;

Next: 6. махаагассабасуд̇д̇ам̣ • 6. Mahākassapasuttaṃ

Footnotes:

1. махаагажжааяано (сий. бий. га.)

2. аананд̣̇о (сий. бий.)

3. mahākaccāyano (sī. pī. ka.)

4. ānando (sī. pī.)

5. д̇зва (сий.)

6. teva (sī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 5. б̣раахман̣асуд̇д̇аван̣н̣анаа • 5. Brāhmaṇasuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact