| Library / Tipiṭaka / திபிடக • Tipiṭaka / உதா³னபாளி • Udānapāḷi |
5. ப்³ராஹ்மணஸுத்தங்
5. Brāhmaṇasuttaṃ
5. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா ச ஸாரிபுத்தோ ஆயஸ்மா ச மஹாமொக்³க³ல்லானோ ஆயஸ்மா ச மஹாகஸ்ஸபோ ஆயஸ்மா ச மஹாகச்சானோ 1 ஆயஸ்மா ச மஹாகொட்டி²கோ ஆயஸ்மா ச மஹாகப்பினோ ஆயஸ்மா ச மஹாசுந்தோ³ ஆயஸ்மா ச அனுருத்³தோ⁴ ஆயஸ்மா ச ரேவதோ ஆயஸ்மா ச நந்தோ³ 2 யேன ப⁴க³வா தேனுபஸங்கமிங்ஸு .
5. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca sāriputto āyasmā ca mahāmoggallāno āyasmā ca mahākassapo āyasmā ca mahākaccāno 3 āyasmā ca mahākoṭṭhiko āyasmā ca mahākappino āyasmā ca mahācundo āyasmā ca anuruddho āyasmā ca revato āyasmā ca nando 4 yena bhagavā tenupasaṅkamiṃsu .
அத்³த³ஸா கோ² ப⁴க³வா தே ஆயஸ்மந்தே தூ³ரதோவ ஆக³ச்ச²ந்தே; தி³ஸ்வான பி⁴க்கூ² ஆமந்தேஸி – ‘‘ஏதே, பி⁴க்க²வே, ப்³ராஹ்மணா ஆக³ச்ச²ந்தி; ஏதே, பி⁴க்க²வே, ப்³ராஹ்மணா ஆக³ச்ச²ந்தீ’’தி. ஏவங் வுத்தே , அஞ்ஞதரோ ப்³ராஹ்மணஜாதிகோ பி⁴க்கு² ப⁴க³வந்தங் ஏதத³வோச – ‘‘கித்தாவதா நு கோ², ப⁴ந்தே, ப்³ராஹ்மணோ ஹோதி, கதமே ச பன ப்³ராஹ்மணகரணா த⁴ம்மா’’தி?
Addasā kho bhagavā te āyasmante dūratova āgacchante; disvāna bhikkhū āmantesi – ‘‘ete, bhikkhave, brāhmaṇā āgacchanti; ete, bhikkhave, brāhmaṇā āgacchantī’’ti. Evaṃ vutte , aññataro brāhmaṇajātiko bhikkhu bhagavantaṃ etadavoca – ‘‘kittāvatā nu kho, bhante, brāhmaṇo hoti, katame ca pana brāhmaṇakaraṇā dhammā’’ti?
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘பா³ஹித்வா பாபகே த⁴ம்மே, யே சரந்தி ஸதா³ ஸதா;
‘‘Bāhitvā pāpake dhamme, ye caranti sadā satā;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 5. ப்³ராஹ்மணஸுத்தவண்ணனா • 5. Brāhmaṇasuttavaṇṇanā
