| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. б̣рахмалогасуд̇д̇аван̣н̣анаа
6. Brahmalokasuttavaṇṇanā
177. чадтз бажжзгам̣ д̣̇ваараб̣ааханд̇и згзго згзгам̣ д̣̇ваараб̣аахам̣ ниссааяа д̣̇ваарабаалаа вияа адтам̣су. ид̣̇д̇ход̇и жхаанасукзна самид̣̇д̇хо. пийд̇од̇и абхин̃н̃аабубпзхи субубпид̇о. анад̇хиваасзнд̇од̇и асаханд̇о. зд̇ад̣̇авожаад̇и зд̇зсам̣ ниммид̇аб̣рахмаанам̣ маж̇жхз нисинно зд̇ам̣ ‘‘бассаси мз’’д̇иаад̣̇иважанам̣ авожа.
177. Chaṭṭhe paccekaṃ dvārabāhanti ekeko ekekaṃ dvārabāhaṃ nissāya dvārapālā viya aṭṭhaṃsu. Iddhoti jhānasukhena samiddho. Phītoti abhiññāpupphehi supupphito. Anadhivāsentoti asahanto. Etadavocāti etesaṃ nimmitabrahmānaṃ majjhe nisinno etaṃ ‘‘passasi me’’tiādivacanaṃ avoca.
д̇аяо субан̣н̣аад̇и г̇аат̇ааяа бан̃жасад̇аад̇и сад̇абад̣̇ам̣ руубавасзна ваа банд̇ивасзна ваа яож̇зд̇аб̣б̣ам̣. руубавасзна д̇аава д̇аяо субан̣н̣аад̇и д̇ийн̣и субан̣н̣аруубасад̇аани. жад̇уро жа хам̣саад̇и жад̇д̇аарихам̣саруубасад̇аани. б̣уг̇гхийнисаа бан̃жасад̇аад̇и б̣яаг̇гхасад̣̇исаа згажжз миг̇аа б̣яаг̇гхийнисаа наама, д̇зсам̣ б̣яаг̇гхийнисааруубагаанам̣ бан̃жасад̇аани, банд̇ивасзна д̇аяо субан̣н̣аад̇и д̇ийн̣и субан̣н̣абанд̇исад̇аани, жад̇уро хам̣саад̇и жад̇д̇аари хам̣сабанд̇исад̇аани. б̣яаг̇гхийнисаа бан̃жасад̇аад̇и бан̃жа б̣яаг̇гхийнисаа банд̇исад̇аани. жхааяинод̇и жхааяисса маяхам̣ вимаанз аяам̣ вибхууд̇ийд̇и д̣̇ассзд̇и. обхаасаяанд̇и обхаасаяамаанам̣. уд̇д̇арассам̣ д̣̇исааяанд̇и д̇ам̣ гира ганагавимаанам̣ д̇зсам̣ махааб̣рахмаанам̣ тид̇адтаанад̇о уд̇д̇арад̣̇исааяам̣ ход̇и. д̇асмаа звамааха. аяам̣ банасса ад̇хиббааяо – зваруубз ганагавимаанз васанд̇о ахам̣ гасса ан̃н̃асса убадтаанам̣ г̇амиссаамийд̇и. руубз ран̣ам̣ д̣̇исваад̇и руубамхи ж̇аад̇иж̇араабхан̇г̇асан̇каад̇ам̣ д̣̇осам̣ д̣̇исваа. сад̣̇аа бавзд̇хид̇анд̇и сийд̇аад̣̇ийхи жа нижжам̣ бавзд̇хид̇ам̣ жалид̇ам̣ гхаддид̇ам̣ руубам̣ д̣̇исваа. д̇асмаа на руубз рамад̇и сумзд̇ход̇и яасмаа руубз ран̣ам̣ бассад̇и, сад̣̇аа бавзд̇хид̇ан̃жа руубам̣ бассад̇и, д̇асмаа сумзд̇хо сунд̣̇арабан̃н̃о со сад̇т̇аа руубз на рамад̇ийд̇и. чадтам̣.
Tayo supaṇṇāti gāthāya pañcasatāti satapadaṃ rūpavasena vā pantivasena vā yojetabbaṃ. Rūpavasena tāva tayo supaṇṇāti tīṇi supaṇṇarūpasatāni. Caturo ca haṃsāti cattārihaṃsarūpasatāni. Bugghīnisā pañcasatāti byagghasadisā ekacce migā byagghīnisā nāma, tesaṃ byagghīnisārūpakānaṃ pañcasatāni, pantivasena tayo supaṇṇāti tīṇi supaṇṇapantisatāni, caturo haṃsāti cattāri haṃsapantisatāni. Byagghīnisā pañcasatāti pañca byagghīnisā pantisatāni. Jhāyinoti jhāyissa mayhaṃ vimāne ayaṃ vibhūtīti dasseti. Obhāsayanti obhāsayamānaṃ. Uttarassaṃ disāyanti taṃ kira kanakavimānaṃ tesaṃ mahābrahmānaṃ ṭhitaṭṭhānato uttaradisāyaṃ hoti. Tasmā evamāha. Ayaṃ panassa adhippāyo – evarūpe kanakavimāne vasanto ahaṃ kassa aññassa upaṭṭhānaṃ gamissāmīti. Rūpe raṇaṃ disvāti rūpamhi jātijarābhaṅgasaṅkhātaṃ dosaṃ disvā. Sadā pavedhitanti sītādīhi ca niccaṃ pavedhitaṃ calitaṃ ghaṭṭitaṃ rūpaṃ disvā. Tasmā na rūpe ramati sumedhoti yasmā rūpe raṇaṃ passati, sadā pavedhitañca rūpaṃ passati, tasmā sumedho sundarapañño so satthā rūpe na ramatīti. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. б̣рахмалогасуд̇д̇ам̣ • 6. Brahmalokasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. б̣рахмалогасуд̇д̇аван̣н̣анаа • 6. Brahmalokasuttavaṇṇanā
