| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൨. ബ്രഹ്മചരിയോഗധസുത്തവണ്ണനാ
2. Brahmacariyogadhasuttavaṇṇanā
൯൯൮. യേസന്തി അനിയമതോ സദ്ധാദീനമാധാരഭൂതപുഗ്ഗലദസ്സനം. ബുദ്ധേ പസാദോ ഗഹിതോ. സോ ഹി ഇതരേഹി പഠമം ഗഹേതബ്ബോതി. അരിയകന്താനി സീലാനി ഗഹിതാനി സോതാപന്നസ്സ സീലാനം അധിപ്പേതത്താ. സങ്ഘേ പസാദോ ഗഹിതോ ധമ്മപ്പസാദസ്സ അനന്തരം വുച്ചമാനത്താ. ധമ്മേ പസാദോ ഗഹിതോ അവേച്ചപ്പസാദഭാവതോ. സോതം അരിയമഗ്ഗം ആദിതോ പത്തി സോതാപത്തി, തസ്സാ അങ്ഗാനി സോതാപത്തിയങ്ഗാനി. പച്ചേന്തീതി പജായന്തി അധിഗച്ഛന്തി. തേനാഹ ‘‘പാപുണന്തീ’’തി. ബ്രഹ്മചരിയന്തി മഗ്ഗബ്രഹ്മചരിയം. കതരപസാദോ വത്തമാനോതി അധിപ്പായോ. മഗ്ഗപ്പസാദോതി മഗ്ഗസമ്പയുത്തോ പസാദോ. ആഗതമഗ്ഗസ്സാതി അധിഗതമഗ്ഗസ്സ. മിസ്സകപ്പസാദോ ഏസോതി തസ്മാ ഉഭോപി ഥേരാ പണ്ഡിതാ ബഹുസ്സുതാ.
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ബ്രഹ്മചരിയോഗധസുത്തം • 2. Brahmacariyogadhasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. ബ്രഹ്മചരിയോഗധസുത്തവണ്ണനാ • 2. Brahmacariyogadhasuttavaṇṇanā
