| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဗ္ရဟ္မစရိယောဂဓသုတ္တဝဏ္ဏနာ
2. Brahmacariyogadhasuttavaṇṇanā
၉၉၈. ယေသန္တိ အနိယမတော သဒ္ဓာဒီနမာဓာရဘူတပုဂ္ဂလဒသ္သနံ။ ဗုဒ္ဓေ ပသာဒော ဂဟိတော။ သော ဟိ ဣတရေဟိ ပဌမံ ဂဟေတဗ္ဗောတိ။ အရိယကန္တာနိ သီလာနိ ဂဟိတာနိ သောတာပန္နသ္သ သီလာနံ အဓိပ္ပေတတ္တာ။ သင္ဃေ ပသာဒော ဂဟိတော ဓမ္မပ္ပသာဒသ္သ အနန္တရံ ဝုစ္စမာနတ္တာ။ ဓမ္မေ ပသာဒော ဂဟိတော အဝေစ္စပ္ပသာဒဘာဝတော။ သောတံ အရိယမဂ္ဂံ အာဒိတော ပတ္တိ သောတာပတ္တိ, တသ္သာ အင္ဂာနိ သောတာပတ္တိယင္ဂာနိ။ ပစ္စေန္တီတိ ပဇာယန္တိ အဓိဂစ္ဆန္တိ။ တေနာဟ ‘‘ပာပုဏန္တီ’’တိ။ ဗ္ရဟ္မစရိယန္တိ မဂ္ဂဗ္ရဟ္မစရိယံ။ ကတရပသာဒော ဝတ္တမာနောတိ အဓိပ္ပာယော။ မဂ္ဂပ္ပသာဒောတိ မဂ္ဂသမ္ပယုတ္တော ပသာဒော။ အာဂတမဂ္ဂသ္သာတိ အဓိဂတမဂ္ဂသ္သ။ မိသ္သကပ္ပသာဒော ဧသောတိ တသ္မာ ဥဘောပိ ထေရာ ပဏ္ဍိတာ ဗဟုသ္သုတာ။
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဗ္ရဟ္မစရိယောဂဓသုတ္တံ • 2. Brahmacariyogadhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဗ္ရဟ္မစရိယောဂဓသုတ္တဝဏ္ဏနာ • 2. Brahmacariyogadhasuttavaṇṇanā
