| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ព្រហ្មចរិយោគធសុត្តវណ្ណនា
2. Brahmacariyogadhasuttavaṇṇanā
៩៩៨. យេសន្តិ អនិយមតោ សទ្ធាទីនមាធារភូតបុគ្គលទស្សនំ។ ពុទ្ធេ បសាទោ គហិតោ។ សោ ហិ ឥតរេហិ បឋមំ គហេតព្ពោតិ។ អរិយកន្តានិ សីលានិ គហិតានិ សោតាបន្នស្ស សីលានំ អធិប្បេតត្តា។ សង្ឃេ បសាទោ គហិតោ ធម្មប្បសាទស្ស អនន្តរំ វុច្ចមានត្តា។ ធម្មេ បសាទោ គហិតោ អវេច្ចប្បសាទភាវតោ។ សោតំ អរិយមគ្គំ អាទិតោ បត្តិ សោតាបត្តិ, តស្សា អង្គានិ សោតាបត្តិយង្គានិ។ បច្ចេន្តីតិ បជាយន្តិ អធិគច្ឆន្តិ។ តេនាហ ‘‘បាបុណន្តី’’តិ។ ព្រហ្មចរិយន្តិ មគ្គព្រហ្មចរិយំ។ កតរបសាទោ វត្តមានោតិ អធិប្បាយោ។ មគ្គប្បសាទោតិ មគ្គសម្បយុត្តោ បសាទោ។ អាគតមគ្គស្សាតិ អធិគតមគ្គស្ស។ មិស្សកប្បសាទោ ឯសោតិ តស្មា ឧភោបិ ថេរា បណ្ឌិតា ពហុស្សុតា។
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ព្រហ្មចរិយោគធសុត្តំ • 2. Brahmacariyogadhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ព្រហ្មចរិយោគធសុត្តវណ្ណនា • 2. Brahmacariyogadhasuttavaṇṇanā
