| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૨. બ્રહ્મચરિયોગધસુત્તવણ્ણના
2. Brahmacariyogadhasuttavaṇṇanā
૯૯૮. યેસન્તિ અનિયમતો સદ્ધાદીનમાધારભૂતપુગ્ગલદસ્સનં. બુદ્ધે પસાદો ગહિતો. સો હિ ઇતરેહિ પઠમં ગહેતબ્બોતિ. અરિયકન્તાનિ સીલાનિ ગહિતાનિ સોતાપન્નસ્સ સીલાનં અધિપ્પેતત્તા. સઙ્ઘે પસાદો ગહિતો ધમ્મપ્પસાદસ્સ અનન્તરં વુચ્ચમાનત્તા. ધમ્મે પસાદો ગહિતો અવેચ્ચપ્પસાદભાવતો. સોતં અરિયમગ્ગં આદિતો પત્તિ સોતાપત્તિ, તસ્સા અઙ્ગાનિ સોતાપત્તિયઙ્ગાનિ. પચ્ચેન્તીતિ પજાયન્તિ અધિગચ્છન્તિ. તેનાહ ‘‘પાપુણન્તી’’તિ. બ્રહ્મચરિયન્તિ મગ્ગબ્રહ્મચરિયં. કતરપસાદો વત્તમાનોતિ અધિપ્પાયો. મગ્ગપ્પસાદોતિ મગ્ગસમ્પયુત્તો પસાદો. આગતમગ્ગસ્સાતિ અધિગતમગ્ગસ્સ. મિસ્સકપ્પસાદો એસોતિ તસ્મા ઉભોપિ થેરા પણ્ડિતા બહુસ્સુતા.
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. બ્રહ્મચરિયોગધસુત્તં • 2. Brahmacariyogadhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨. બ્રહ્મચરિયોગધસુત્તવણ્ણના • 2. Brahmacariyogadhasuttavaṇṇanā
