| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. ব্রহ্মচরিযোগধসুত্তৰণ্ণনা
2. Brahmacariyogadhasuttavaṇṇanā
৯৯৮. দুতিযে যেসং সদ্ধাতি পদেন বুদ্ধে পসাদো গহিতো। সীলন্তি পদেন অরিযকন্তানি সীলানি গহিতানি। পসাদোতি পদেন সঙ্ঘে পসাদো গহিতো। ধম্মদস্সনন্তি পদেন ধম্মে পসাদো গহিতোতি এৰং চত্তারি সোতাপত্তিযঙ্গানি ৰুত্তানি। কালেন পচ্চেন্তীতি কালেন পাপুণন্তি। ব্রহ্মচরিযোগধং সুখন্তি ব্রহ্মচরিযং ওগাহিত্ৰা ঠিতং উপরিমগ্গত্তযসম্পযুত্তং সুখং। যো পনেস গাথায আগতো পসাদো, সো কতরপসাদো হোতীতি। তিপিটকচূল়াভযত্থেরো তাৰ ‘‘মগ্গপসাদো’’তি আহ, তিপিটকচূল়নাগত্থেরো ‘‘আগতমগ্গস্স পচ্চৰেক্খণপ্পসাদো’’তি। উভোপি থেরা পণ্ডিতা বহুস্সুতা, উভিন্নং সুভাসিতং। মিস্সকপ্পসাদো এসোতি।
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. ব্রহ্মচরিযোগধসুত্তং • 2. Brahmacariyogadhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. ব্রহ্মচরিযোগধসুত্তৰণ্ণনা • 2. Brahmacariyogadhasuttavaṇṇanā
