| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. б̣рахмажарияасуд̇д̇ам̣
5. Brahmacariyasuttaṃ
25. ‘‘наяид̣̇ам̣ , бхигкавз, б̣рахмажарияам̣ вуссад̇и ж̇анагуханад̇т̇ам̣, на ж̇аналабанад̇т̇ам̣, на лаабхасаггаарасилогаанисам̣сад̇т̇ам̣, на ид̇иваад̣̇аббамогкаанисам̣сад̇т̇ам̣, на ‘ид̇и мам̣ ж̇ано ж̇аанаад̇уу’д̇и. ат̇а ко ид̣̇ам̣, бхигкавз, б̣рахмажарияам̣ вуссад̇и сам̣варад̇т̇ам̣ бахаанад̇т̇ам̣ вирааг̇ад̇т̇ам̣ нирод̇хад̇т̇а’’нд̇и.
25. ‘‘Nayidaṃ , bhikkhave, brahmacariyaṃ vussati janakuhanatthaṃ, na janalapanatthaṃ, na lābhasakkārasilokānisaṃsatthaṃ, na itivādappamokkhānisaṃsatthaṃ, na ‘iti maṃ jano jānātū’ti. Atha kho idaṃ, bhikkhave, brahmacariyaṃ vussati saṃvaratthaṃ pahānatthaṃ virāgatthaṃ nirodhattha’’nti.
‘‘сам̣варад̇т̇ам̣ бахаанад̇т̇ам̣, б̣рахмажарияам̣ анийд̇ихам̣;
‘‘Saṃvaratthaṃ pahānatthaṃ, brahmacariyaṃ anītihaṃ;
ад̣̇зсаяи со бхаг̇аваа, ниб̣б̣ааног̇ад̇хаг̇ааминам̣;
Adesayi so bhagavā, nibbānogadhagāminaṃ;
‘‘яз жа д̇ам̣ бадибаж̇ж̇анд̇и, яат̇аа б̣уд̣̇д̇хзна д̣̇зсид̇ам̣;
‘‘Ye ca taṃ paṭipajjanti, yathā buddhena desitaṃ;
д̣̇угкассанд̇ам̣ гариссанд̇и, сад̇т̇усаасанагаарино’’д̇и. бан̃жамам̣;
Dukkhassantaṃ karissanti, satthusāsanakārino’’ti. pañcamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. б̣рахмажарияасуд̇д̇аван̣н̣анаа • 5. Brahmacariyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. б̣рахмажарияасуд̇д̇аван̣н̣анаа • 5. Brahmacariyasuttavaṇṇanā
