| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
3. б̣рахмажарияагат̇аа
3. Brahmacariyakathā
1. суд̣̇д̇хаб̣рахмажарияагат̇ааван̣н̣анаа
1. Suddhabrahmacariyakathāvaṇṇanā
269. хздтаабийд̇и бараниммид̇авасавад̇д̇ид̣̇звзхи хздтааби. маг̇г̇абхааванамби на ижчанд̇ийд̇и вин̃н̃ааяад̇и ‘‘ид̇ха б̣рахмажарияаваасо’’д̇и иминаа ‘‘д̣̇взби б̣рахмажарияаваасаа над̇т̇и д̣̇звзсууд̇и убалад̣̇д̇хивасзнаа’’д̇и вуд̇д̇ад̇д̇аа.
269. Heṭṭhāpīti paranimmitavasavattidevehi heṭṭhāpi. Maggabhāvanampi na icchantīti viññāyati ‘‘idha brahmacariyavāso’’ti iminā ‘‘dvepi brahmacariyavāsā natthi devesūti upaladdhivasenā’’ti vuttattā.
270. д̇ассзваад̇и бараваад̣̇ино зва. буг̇г̇алавасзнаад̇и ‘‘г̇ихийнан̃жзва згажжаанан̃жа д̣̇зваана’’нд̇и звам̣ буг̇г̇алавасзна. д̇ассаад̇и бараваад̣̇ино. бадигкзбо на яуд̇д̇од̇и звам̣ буг̇г̇алавасзна ад̇т̇аяож̇анаа на яуд̇д̇аад̇и ад̇хиббааяо. буг̇г̇алаад̇хидтаанзна бана гад̇ааби ад̇т̇аван̣н̣анаа огаасавасзна барижчиж̇ж̇ад̇ийд̇и нааяам̣ д̣̇осо. д̇ассааяам̣ ад̇хиббааяод̇и аяам̣ ‘‘г̇ихийнан̃жзваа’’д̇иаад̣̇инаа вуд̇д̇о д̇асса бараваад̣̇ино яад̣̇и ад̇хиббааяо, звам̣ сан̃н̃ааяа бараваад̣̇ино сагаваад̣̇инаа самаанаад̣̇ааяод̇и на ниг̇г̇ахаарахо сияаа. д̇знааха ‘‘сага…бз… д̇аб̣б̣о’’д̇и. батамам̣ бана ануж̇аанид̇ваа бажчаа бадигкзбзнзва ниг̇г̇ахзд̇аб̣б̣ад̇аа взд̣̇ид̇аб̣б̣аа. гзжи ‘‘яад̇т̇а над̇т̇и баб̣б̣аж̇ж̇аа, над̇т̇и д̇ад̇т̇а б̣рахмажарияаваасод̇и бужчааяа згажжаанам̣ мануссаанам̣ маг̇г̇аббадивзд̇хам̣ санд̇хааяа бараваад̣̇ино бадигкзбо. яад̣̇иби со д̣̇зваанам̣ маг̇г̇аббадилаабхам̣ на ижчад̇и, самбхаванд̇ам̣ бана саб̣б̣ам̣ д̣̇ассзд̇ум̣ адтагат̇ааяам̣ ‘г̇ихийна’мижжзва авад̇ваа ‘згажжаанан̃жа д̣̇зваана’нд̇и вуд̇д̇а’’нд̇и вад̣̇анд̇и, д̇ам̣ на сунд̣̇арам̣ ‘‘санд̇хааяаа’’д̇и вуд̇д̇ад̇д̇аа, буримоязвад̇т̇о яуд̇д̇о.
270. Tassevāti paravādino eva. Puggalavasenāti ‘‘gihīnañceva ekaccānañca devāna’’nti evaṃ puggalavasena. Tassāti paravādino. Paṭikkhepo na yuttoti evaṃ puggalavasena atthayojanā na yuttāti adhippāyo. Puggalādhiṭṭhānena pana katāpi atthavaṇṇanā okāsavasena paricchijjatīti nāyaṃ doso. Tassāyaṃ adhippāyoti ayaṃ ‘‘gihīnañcevā’’tiādinā vutto tassa paravādino yadi adhippāyo, evaṃ saññāya paravādino sakavādinā samānādāyoti na niggahāraho siyā. Tenāha ‘‘saka…pe… tabbo’’ti. Paṭhamaṃ pana anujānitvā pacchā paṭikkhepeneva niggahetabbatā veditabbā. Keci ‘‘yattha natthi pabbajjā, natthi tattha brahmacariyavāsoti pucchāya ekaccānaṃ manussānaṃ maggappaṭivedhaṃ sandhāya paravādino paṭikkhepo. Yadipi so devānaṃ maggappaṭilābhaṃ na icchati, sambhavantaṃ pana sabbaṃ dassetuṃ aṭṭhakathāyaṃ ‘gihīna’micceva avatvā ‘ekaccānañca devāna’nti vutta’’nti vadanti, taṃ na sundaraṃ ‘‘sandhāyā’’ti vuttattā, purimoyevattho yutto.
суд̣̇д̇хаб̣рахмажарияагат̇ааван̣н̣анаа нидтид̇аа.
Suddhabrahmacariyakathāvaṇṇanā niṭṭhitā.
2. сам̣санд̣̇анаб̣рахмажарияагат̇ааван̣н̣анаа
2. Saṃsandanabrahmacariyakathāvaṇṇanā
273. руубааважарамаг̇г̇знаад̇и руубааважараж̇жхаанзна. д̇ан̃хи руубабхавуубабад̇д̇ияаа убааяабхаавад̇о маг̇г̇од̇и вуд̇д̇о. яат̇ааха ‘‘руубубабад̇д̇ияаа маг̇г̇ам̣ бхаавзд̇ий’’д̇и (д̇ха. са. 160). ид̣̇анд̇и ид̣̇ам̣ руубааважараж̇жхаанам̣. ‘‘ид̇хавихааяанидтахзд̇убхууд̇о руубааважарамаг̇г̇о’’д̇иаад̣̇игам̣ д̣̇ийбзнд̇ам̣ важанам̣ анааг̇аамимаг̇г̇асса д̇аб̣бхаавад̣̇ийбагзна ‘‘ид̇ха бхаавид̇амаг̇г̇о’’д̇иаад̣̇игзна гат̇ам̣ самзд̇ийд̇и жод̣̇зд̇ваа яат̇аа самзд̇и , д̇ам̣ д̣̇ассзд̇ум̣ ‘‘буб̣б̣з банаа’’д̇иаад̣̇и вуд̇д̇ам̣. д̇ад̇т̇а ‘‘буб̣б̣з’’д̇и иминаа ‘‘ид̇ха бхаавид̇амаг̇г̇о’’д̇иаад̣̇игам̣ вад̣̇анд̇и, ид̇хааби бана ‘‘руубааважарамаг̇г̇знаа’’д̇иаад̣̇игам̣. д̇ад̇т̇а анааг̇аамий зваад̇и анааг̇аамипаладто зва. жхаанаанааг̇аамийд̇и асамужчиннаж̇жхад̇д̇асам̣яож̇аноби руубабхавз уббаж̇ж̇ид̇ваа анаавад̇д̇ид̇хаммамаг̇г̇ам̣ бхаавзд̇ваа д̇ад̇т̇зва бариниб̣б̣ааяанад̇о. ад̇хиббааяод̇и яат̇аавуд̇д̇о д̣̇виннам̣ адтагат̇ааважанаанам̣ авирод̇хад̣̇ийбаго ад̇хиббааяо.
273. Rūpāvacaramaggenāti rūpāvacarajjhānena. Tañhi rūpabhavūpapattiyā upāyabhāvato maggoti vutto. Yathāha ‘‘rūpupapattiyā maggaṃ bhāvetī’’ti (dha. sa. 160). Idanti idaṃ rūpāvacarajjhānaṃ. ‘‘Idhavihāyaniṭṭhahetubhūto rūpāvacaramaggo’’tiādikaṃ dīpentaṃ vacanaṃ anāgāmimaggassa tabbhāvadīpakena ‘‘idha bhāvitamaggo’’tiādikena kathaṃ sametīti codetvā yathā sameti , taṃ dassetuṃ ‘‘pubbe panā’’tiādi vuttaṃ. Tattha ‘‘pubbe’’ti iminā ‘‘idha bhāvitamaggo’’tiādikaṃ vadanti, idhāpi pana ‘‘rūpāvacaramaggenā’’tiādikaṃ. Tattha anāgāmī evāti anāgāmiphalaṭṭho eva. Jhānānāgāmīti asamucchinnajjhattasaṃyojanopi rūpabhave uppajjitvā anāvattidhammamaggaṃ bhāvetvā tattheva parinibbāyanato. Adhippāyoti yathāvutto dvinnaṃ aṭṭhakathāvacanānaṃ avirodhadīpako adhippāyo.
ид̇хаад̇и гаамалогз. д̇ад̇т̇аад̇и б̣рахмалогз. зд̇т̇а жа бараваад̣̇ий звам̣ бужчид̇аб̣б̣о ‘‘д̇ийхи, бхигкавз, таанзхий’’д̇и суд̇д̇ам̣ гим̣ яат̇ааруд̇авасзна г̇ахзд̇аб̣б̣ад̇т̇ам̣, уд̣̇ааху санд̇хааяабхаасид̇анд̇и? д̇ад̇т̇а ж̇аанамаано санд̇хааяабхаасид̇анд̇и вад̣̇зяяа. ан̃н̃ат̇аа ‘‘бараниммид̇авасавад̇д̇ид̣̇звз убаад̣̇ааяаа’’д̇иаад̣̇и вад̇д̇ум̣ на саггаа ‘‘д̣̇звз жа д̇аавад̇им̣сз’’д̇и вуд̇д̇ад̇д̇аа. яат̇аа хи д̇асса ‘‘сзяяат̇ааби д̣̇звзхи д̇аавад̇им̣сзхи сад̣̇д̇хим̣ манд̇зд̇ваа’’д̇иаад̣̇ийсу вияа саггам̣ д̣̇зварааж̇аанам̣ убаад̣̇ааяа гаамааважарад̣̇звзсу д̇аавад̇им̣сад̣̇зваа баагадаа бан̃н̃аад̇аад̇и д̇зсам̣ г̇ахан̣ам̣, на д̇зязва ад̇хиббзд̇аад̇и суд̇д̇абад̣̇асса санд̇хааяабхаасид̇ад̇т̇ам̣ самбадижчид̇аб̣б̣ам̣, звам̣ ‘‘ид̇ха б̣рахмажарияаваасо’’д̇и зд̇т̇ааби анаваж̇ж̇асукааб̣яаасзгасуканзгкаммасукаад̣̇исанниссаяабхаавзна махаанисам̣сад̇ааяа саасанз баб̣б̣аж̇ж̇аа ‘‘ид̇ха б̣рахмажарияаваасо’’д̇и имасмим̣ суд̇д̇з ад̇хиббзд̇аа. саа хи уд̇д̇арагуругаанам̣ д̣̇зваанан̃жа аногаасабхаавад̇о д̣̇уггараа д̣̇уллабхаа жа. д̇ад̇т̇а суурияабаривад̇д̇аад̣̇ийхиби д̣̇звзсу маг̇г̇абадилаабхааяа ад̇т̇ид̇аа вибхаавзд̇аб̣б̣аа, уд̇д̇арагуругаанам̣ бана висзсаанад̇хиг̇амабхааво убхиннамби ижчид̇о зваад̇и.
Idhāti kāmaloke. Tatthāti brahmaloke. Ettha ca paravādī evaṃ pucchitabbo ‘‘tīhi, bhikkhave, ṭhānehī’’ti suttaṃ kiṃ yathārutavasena gahetabbatthaṃ, udāhu sandhāyabhāsitanti? Tattha jānamāno sandhāyabhāsitanti vadeyya. Aññathā ‘‘paranimmitavasavattideve upādāyā’’tiādi vattuṃ na sakkā ‘‘deve ca tāvatiṃse’’ti vuttattā. Yathā hi tassa ‘‘seyyathāpi devehi tāvatiṃsehi saddhiṃ mantetvā’’tiādīsu viya sakkaṃ devarājānaṃ upādāya kāmāvacaradevesu tāvatiṃsadevā pākaṭā paññātāti tesaṃ gahaṇaṃ, na teyeva adhippetāti suttapadassa sandhāyabhāsitatthaṃ sampaṭicchitabbaṃ, evaṃ ‘‘idha brahmacariyavāso’’ti etthāpi anavajjasukhaabyāsekasukhanekkhammasukhādisannissayabhāvena mahānisaṃsatāya sāsane pabbajjā ‘‘idha brahmacariyavāso’’ti imasmiṃ sutte adhippetā. Sā hi uttarakurukānaṃ devānañca anokāsabhāvato dukkarā dullabhā ca. Tattha sūriyaparivattādīhipi devesu maggapaṭilābhāya atthitā vibhāvetabbā, uttarakurukānaṃ pana visesānadhigamabhāvo ubhinnampi icchito evāti.
сам̣санд̣̇анаб̣рахмажарияагат̇ааван̣н̣анаа нидтид̇аа.
Saṃsandanabrahmacariyakathāvaṇṇanā niṭṭhitā.
б̣рахмажарияагат̇ааван̣н̣анаа нидтид̇аа.
Brahmacariyakathāvaṇṇanā niṭṭhitā.
3. од̇хисогат̇ааван̣н̣анаа
3. Odhisokathāvaṇṇanā
274. од̇хисод̇и бхааг̇асо, бхааг̇знаад̇и ад̇т̇о. бхааг̇о наама яасмаа згад̣̇зсо ход̇и, д̇асмаа ‘‘згад̣̇зсзна згад̣̇зсзнаа’’д̇и вуд̇д̇ам̣. д̇ад̇т̇а яад̣̇и жад̇уннам̣ маг̇г̇аанам̣ васзна самуд̣̇аяабагкигасса гилзсаг̇ан̣асса жад̇убхааг̇зхи бахаанам̣ ‘‘од̇хисо бахаана’’нд̇и ад̇хиббзд̇ам̣, ижчид̇амзвзд̇ам̣ сагаваад̣̇исса ‘‘д̇ин̣н̣ам̣ сам̣яож̇анаанам̣ баригкаяаа д̣̇идтиг̇ад̇аанам̣ бахаанааяаа’’д̇и жа аад̣̇иважанад̇о. яасмаа бана маг̇г̇о жад̇уусу сажжзсу наанаабхисамаяавасзна гижжагаро, на згаабхисамаяавасзнаад̇и бараваад̣̇ино лад̣̇д̇хи, д̇асмаа яат̇аа ‘‘маг̇г̇о гаалзна д̣̇угкам̣ бариж̇аанаад̇и, гаалзна самуд̣̇аяам̣ баж̇ахад̇ий’’д̇иаад̣̇инаа наанагкан̣авасзна сажжзсу бавад̇д̇ад̇ийд̇и ижчид̇о, звам̣ бажжзгамби наанагкан̣авасзна бавад̇д̇зяяа. д̇ат̇аа сад̇и д̣̇угкаад̣̇ийнам̣ згад̣̇зсазгад̣̇зсамзва бариж̇аанаад̇и баж̇ахад̇ийд̇и д̣̇ассзд̇ум̣ баал̣ияам̣ ‘‘сод̇аабад̇д̇и…бз… згад̣̇зсз баж̇ахад̇ий’’д̇иаад̣̇и вуд̇д̇ам̣. сад̇и хи наанаабхисамаяз батамамаг̇г̇аад̣̇ийхи бахаад̇аб̣б̣аанам̣ сам̣яож̇анад̇д̇аяаад̣̇ийнам̣ д̣̇угкад̣̇ассанаад̣̇ийхи згад̣̇зсазгад̣̇зсаббахаанам̣ сияаад̇и згад̣̇зсасод̇аабад̇д̇имаг̇г̇адтаад̣̇ид̇аа, д̇ад̇о зва згад̣̇зсасод̇аабаннаад̣̇ид̇аа жа аабаж̇ж̇ад̇и ананд̇арапалад̇д̇аа логуд̇д̇арагусалаанам̣, на жа д̇ам̣ яуд̇д̇ам̣. на хи гаалабхзд̣̇зна винаа со зва сод̇аабанно, асод̇аабанно жаад̇и саггаа вин̃н̃аад̇ум̣. д̇знааха ‘‘згад̣̇зсам̣ сод̇аабанно, згад̣̇зсам̣ на сод̇аабанно’’д̇иаад̣̇и.
274. Odhisoti bhāgaso, bhāgenāti attho. Bhāgo nāma yasmā ekadeso hoti, tasmā ‘‘ekadesena ekadesenā’’ti vuttaṃ. Tattha yadi catunnaṃ maggānaṃ vasena samudayapakkhikassa kilesagaṇassa catubhāgehi pahānaṃ ‘‘odhiso pahāna’’nti adhippetaṃ, icchitamevetaṃ sakavādissa ‘‘tiṇṇaṃ saṃyojanānaṃ parikkhayā diṭṭhigatānaṃ pahānāyā’’ti ca ādivacanato. Yasmā pana maggo catūsu saccesu nānābhisamayavasena kiccakaro, na ekābhisamayavasenāti paravādino laddhi, tasmā yathā ‘‘maggo kālena dukkhaṃ parijānāti, kālena samudayaṃ pajahatī’’tiādinā nānakkhaṇavasena saccesu pavattatīti icchito, evaṃ paccekampi nānakkhaṇavasena pavatteyya. Tathā sati dukkhādīnaṃ ekadesaekadesameva parijānāti pajahatīti dassetuṃ pāḷiyaṃ ‘‘sotāpatti…pe… ekadese pajahatī’’tiādi vuttaṃ. Sati hi nānābhisamaye paṭhamamaggādīhi pahātabbānaṃ saṃyojanattayādīnaṃ dukkhadassanādīhi ekadesaekadesappahānaṃ siyāti ekadesasotāpattimaggaṭṭhāditā, tato eva ekadesasotāpannāditā ca āpajjati anantaraphalattā lokuttarakusalānaṃ, na ca taṃ yuttaṃ. Na hi kālabhedena vinā so eva sotāpanno, asotāpanno cāti sakkā viññātuṃ. Tenāha ‘‘ekadesaṃ sotāpanno, ekadesaṃ na sotāpanno’’tiādi.
абижааяам̣ наанаабхисамаяаваад̣̇ий звам̣ бужчид̇аб̣б̣о ‘‘маг̇г̇ан̃аан̣ам̣ сажжаани бадивиж̇жханд̇ам̣ гим̣ аарамман̣ад̇о бадивиж̇жхад̇и, уд̣̇ааху гижжад̇о’’д̇и. яад̣̇и аарамман̣ад̇од̇и вад̣̇зяяа, д̇асса вибассанаан̃аан̣асса вияа д̣̇угкасамуд̣̇аяаанам̣ ажжанд̇абарижчзд̣̇асамужчзд̣̇аа на яуд̇д̇аа д̇ад̇о аниссадад̇д̇аа, д̇ат̇аа маг̇г̇ад̣̇ассанам̣. на хи саяамзва ад̇д̇аанам̣ аараб̣бха бавад̇д̇ад̇ийд̇и яуд̇д̇ам̣, маг̇г̇анд̇арабаригаббанааяам̣ анавадтаанам̣ аабаж̇ж̇ад̇ийд̇и, д̇асмаа д̇ийн̣и сажжаани гижжад̇о, нирод̇хам̣ гижжад̇о аарамман̣ад̇о жа бадивиж̇жхад̇ийд̇и звамасаммохад̇о бадивиж̇жханд̇асса маг̇г̇ан̃аан̣асса над̇т̇зва наанаабхисамаяо. вуд̇д̇ан̃хзд̇ам̣ ‘‘яо, бхигкавз, д̣̇угкам̣ бассад̇и, д̣̇угкасамуд̣̇аяамби со бассад̇ий’’д̇иаад̣̇и. на жзд̇ам̣ гааланд̇арад̣̇ассанам̣ санд̇хааяа вуд̇д̇ам̣. ‘‘яо ну ко, аавусо, д̣̇угкам̣ бассад̇и, д̣̇угкасамуд̣̇аяамби со бассад̇и, д̣̇угканирод̇хамби…бз… д̣̇угканирод̇хаг̇ааминибадибад̣̇амби со бассад̇ий’’д̇и (сам̣. ни. 5.1100) згасажжад̣̇ассанасаман̇г̇ино ан̃н̃асажжад̣̇ассанасаман̇г̇ибхаававижааран̣ааяам̣ д̇ад̣̇ад̇т̇асаад̇ханад̇т̇ам̣ ааяасмад̇аа г̇авам̣бад̇ид̇т̇зрзна аабхад̇ад̇д̇аа бажжзган̃жа сажжад̇д̇аяад̣̇ассанасса яож̇ид̇ад̇д̇аа. ан̃н̃ат̇аа буримад̣̇идтасса буна ад̣̇ассанад̇о самуд̣̇аяаад̣̇ид̣̇ассанз д̣̇угкаад̣̇ид̣̇ассанамаяож̇анийяам̣ сияаа. на хи логуд̇д̇арамаг̇г̇о логияамаг̇г̇о вияа гад̇агаарибхаавзна бавад̇д̇ад̇и самужчзд̣̇агад̇д̇аа. д̇ат̇аа яож̇анз жа саб̣б̣ам̣ д̣̇ассанам̣ д̣̇ассананд̇арабаранд̇и д̣̇ассанаанубарамо сияаа. звам̣ ааг̇амад̇о яуд̇д̇ид̇о жа наанаабхисамаяасса асамбхавад̇о бажжзгам̣ маг̇г̇аанам̣ од̇хисо бахаанам̣ над̇т̇ийд̇и нидтамзд̇т̇а г̇анд̇аб̣б̣ам̣.
Apicāyaṃ nānābhisamayavādī evaṃ pucchitabbo ‘‘maggañāṇaṃ saccāni paṭivijjhantaṃ kiṃ ārammaṇato paṭivijjhati, udāhu kiccato’’ti. Yadi ārammaṇatoti vadeyya, tassa vipassanāñāṇassa viya dukkhasamudayānaṃ accantaparicchedasamucchedā na yuttā tato anissaṭattā, tathā maggadassanaṃ. Na hi sayameva attānaṃ ārabbha pavattatīti yuttaṃ, maggantaraparikappanāyaṃ anavaṭṭhānaṃ āpajjatīti, tasmā tīṇi saccāni kiccato, nirodhaṃ kiccato ārammaṇato ca paṭivijjhatīti evamasammohato paṭivijjhantassa maggañāṇassa nattheva nānābhisamayo. Vuttañhetaṃ ‘‘yo, bhikkhave, dukkhaṃ passati, dukkhasamudayampi so passatī’’tiādi. Na cetaṃ kālantaradassanaṃ sandhāya vuttaṃ. ‘‘Yo nu kho, āvuso, dukkhaṃ passati, dukkhasamudayampi so passati, dukkhanirodhampi…pe… dukkhanirodhagāminipaṭipadampi so passatī’’ti (saṃ. ni. 5.1100) ekasaccadassanasamaṅgino aññasaccadassanasamaṅgibhāvavicāraṇāyaṃ tadatthasādhanatthaṃ āyasmatā gavaṃpatittherena ābhatattā paccekañca saccattayadassanassa yojitattā. Aññathā purimadiṭṭhassa puna adassanato samudayādidassane dukkhādidassanamayojanīyaṃ siyā. Na hi lokuttaramaggo lokiyamaggo viya katakāribhāvena pavattati samucchedakattā. Tathā yojane ca sabbaṃ dassanaṃ dassanantaraparanti dassanānuparamo siyā. Evaṃ āgamato yuttito ca nānābhisamayassa asambhavato paccekaṃ maggānaṃ odhiso pahānaṃ natthīti niṭṭhamettha gantabbaṃ.
од̇хисогат̇ааван̣н̣анаа нидтид̇аа.
Odhisokathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi
3. б̣рахмажарияагат̇аа • 3. Brahmacariyakathā
3. од̇хисогат̇аа • 3. Odhisokathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. б̣рахмажарияагат̇аа • 3. Brahmacariyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā
3. б̣рахмажарияагат̇аа • 3. Brahmacariyakathā
4. од̇хисогат̇ааван̣н̣анаа • 4. Odhisokathāvaṇṇanā
