| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. б̣од̇хияааб̣уд̣̇д̇ход̇игат̇ааван̣н̣анаа
6. Bodhiyābuddhotikathāvaṇṇanā
398. ид̣̇аани б̣од̇хияаа б̣уд̣̇д̇ход̇игат̇аа наама ход̇и. д̇ад̇т̇а б̣од̇хийд̇и жад̇умаг̇г̇ан̃аан̣ассааби саб̣б̣ан̃н̃уд̇ан̃н̃аан̣ассааби ад̇хиважанам̣. д̇асмаа язсам̣ яат̇аа од̣̇аад̇зна ван̣н̣зна од̣̇аад̇о, саамзна ван̣н̣зна саамо, звам̣ б̣од̇хияаа б̣уд̣̇д̇ход̇и лад̣̇д̇хи, сзяяат̇ааби зд̇арахи уд̇д̇араабат̇агаанам̣язва; д̇з санд̇хааяа бужчаа жа ануяог̇о жа сагаваад̣̇исса, бадин̃н̃аа жа бадигкзбо жа ид̇арасса.
398. Idāni bodhiyā buddhotikathā nāma hoti. Tattha bodhīti catumaggañāṇassāpi sabbaññutaññāṇassāpi adhivacanaṃ. Tasmā yesaṃ yathā odātena vaṇṇena odāto, sāmena vaṇṇena sāmo, evaṃ bodhiyā buddhoti laddhi, seyyathāpi etarahi uttarāpathakānaṃyeva; te sandhāya pucchā ca anuyogo ca sakavādissa, paṭiññā ca paṭikkhepo ca itarassa.
ад̇ийд̇ааяаад̇и бан̃хз д̇асмим̣ кан̣з абхаавад̇о бадигкибад̇и. д̣̇уд̇ияам̣ будто бадилаабхам̣ санд̇хааяа бадиж̇аанаад̇и. буна гижжавасзна будто гижжаабхаавад̇о бадигкибад̇и. д̣̇уд̇ияам̣ будто яам̣ д̇зна д̇ааяа гаран̣ийяам̣ гад̇ам̣, д̇ад̇т̇а саммохаабхаавам̣ бадиж̇аанаад̇и. лзсогаасам̣ бана ад̣̇ад̇ваа д̣̇угкам̣ бариж̇аанаад̇ийд̇иаад̣̇инаа наязна будто д̇асса гижжасса абхааваа бадигкибад̇и.
Atītāyāti pañhe tasmiṃ khaṇe abhāvato paṭikkhipati. Dutiyaṃ puṭṭho paṭilābhaṃ sandhāya paṭijānāti. Puna kiccavasena puṭṭho kiccābhāvato paṭikkhipati. Dutiyaṃ puṭṭho yaṃ tena tāya karaṇīyaṃ kataṃ, tattha sammohābhāvaṃ paṭijānāti. Lesokāsaṃ pana adatvā dukkhaṃ parijānātītiādinā nayena puṭṭho tassa kiccassa abhāvā paṭikkhipati.
анааг̇ад̇абан̃хз д̇асмим̣ кан̣з маг̇г̇ан̃аан̣асса абхааваа бадигкибад̇и. д̣̇уд̇ияам̣ будто ‘‘аг̇амаа рааж̇аг̇ахам̣ б̣уд̣̇д̇хо’’д̇и (су. ни. 410) анааг̇ад̇ааяа б̣од̇хияаа б̣уд̣̇д̇хабхаавам̣ ман̃н̃амаано бадиж̇аанаад̇и. б̣од̇хигаран̣ийяам̣ гарод̇ийд̇и будто д̇асмим̣ кан̣з гижжаабхаавзна бадигкибад̇и. д̣̇уд̇ияам̣ будто яад̣̇и на гарзяяа, б̣уд̣̇д̇ход̇и на вужжзяяа. яасмаа авассам̣ гариссад̇и, д̇асмаа гарод̇иязва наамаад̇и бадиж̇аанаад̇и. буна лзсогаасам̣ ад̣̇ад̇ваа будто бадигкибад̇и. бажжуббаннабан̃хо сад̣̇д̇хим̣ сам̣санд̣̇анааяа уд̇д̇аанад̇т̇ова.
Anāgatapañhe tasmiṃ khaṇe maggañāṇassa abhāvā paṭikkhipati. Dutiyaṃ puṭṭho ‘‘agamā rājagahaṃ buddho’’ti (su. ni. 410) anāgatāya bodhiyā buddhabhāvaṃ maññamāno paṭijānāti. Bodhikaraṇīyaṃ karotīti puṭṭho tasmiṃ khaṇe kiccābhāvena paṭikkhipati. Dutiyaṃ puṭṭho yadi na kareyya, buddhoti na vucceyya. Yasmā avassaṃ karissati, tasmā karotiyeva nāmāti paṭijānāti. Puna lesokāsaṃ adatvā puṭṭho paṭikkhipati. Paccuppannapañho saddhiṃ saṃsandanāya uttānatthova.
399. д̇иссо б̣од̇хияо згад̇о гад̇ваа будто саб̣б̣ан̃н̃уд̇ан̃н̃аан̣ам̣ санд̇хааяа д̇ийхиби б̣уд̣̇д̇ход̇и вад̇д̇аб̣б̣абхаавад̇о бадиж̇аанаад̇и. буна д̇ийхид̇и будто саб̣б̣аасам̣ згагкан̣з абхааваа бадигкибад̇и. д̣̇уд̇ияам̣ будто ад̇ийд̇аанааг̇ад̇абажжуббаннасса саб̣б̣ан̃н̃уд̇ан̃н̃аан̣асса васзна бадиж̇аанаад̇и. буна лзсогаасам̣ ад̣̇ад̇ваа сад̇ад̇ам̣ самид̇анд̇и будто бадигкибад̇и.
399. Tisso bodhiyo ekato katvā puṭṭho sabbaññutaññāṇaṃ sandhāya tīhipi buddhoti vattabbabhāvato paṭijānāti. Puna tīhiti puṭṭho sabbāsaṃ ekakkhaṇe abhāvā paṭikkhipati. Dutiyaṃ puṭṭho atītānāgatapaccuppannassa sabbaññutaññāṇassa vasena paṭijānāti. Puna lesokāsaṃ adatvā satataṃ samitanti puṭṭho paṭikkhipati.
на б̣ад̇д̇аб̣б̣ам̣ б̣од̇хияаад̇и бужчаа бараваад̣̇исса, б̣од̇хияаа абхаавагкан̣з аб̣уд̣̇д̇хабхааваабад̇д̇ид̇о бадин̃н̃аа сагаваад̣̇исса. нану б̣од̇хибадилаабхаад̇и бан̃хз бана яасмим̣ санд̇аанз б̣од̇хисан̇каад̇ам̣ маг̇г̇ан̃аан̣ам̣ уббаннам̣, д̇ад̇т̇а б̣уд̣̇д̇ход̇и саммуд̇исаб̣бхаавад̇о бадин̃н̃аа д̇ассзва. д̇асса ад̇хиббааяам̣ аж̇аанид̇ваа хан̃жийд̇и лад̣̇д̇хидтабанаа бараваад̣̇исса. ид̣̇аанисса асаллагкан̣ам̣ баагадам̣ гаад̇ум̣ б̣од̇хибадилаабхаа б̣уд̣̇д̇ход̇и б̣од̇хияаа б̣уд̣̇д̇ход̇и бужчаа сагаваад̣̇исса. д̇ассад̇т̇о – ‘‘гим̣ д̇з яасмаа б̣од̇хибадилаабхаа б̣уд̣̇д̇хо, д̇асмаа б̣од̇хияаа б̣уд̣̇д̇хо’’д̇и. ид̇аро ‘‘б̣од̇хибадилаабхо наама б̣од̇хияаа уббаж̇ж̇ид̇ваа нируд̣̇д̇хааяаби санд̇аанз уббаннабхаавоязва. б̣од̇хи наама маг̇г̇агкан̣з н̃аан̣а’’нд̇и имам̣ вибхааг̇ам̣ асаллагкзнд̇ова буна бадиж̇аанаад̇и. д̇ад̇о сагаваад̣̇инаа б̣од̇хибадилаабхаа б̣од̇хийд̇и будто важаногаасам̣ алабханд̇о бадигкибад̇ийд̇и.
Na battabbaṃ bodhiyāti pucchā paravādissa, bodhiyā abhāvakkhaṇe abuddhabhāvāpattito paṭiññā sakavādissa. Nanu bodhipaṭilābhāti pañhe pana yasmiṃ santāne bodhisaṅkhātaṃ maggañāṇaṃ uppannaṃ, tattha buddhoti sammutisabbhāvato paṭiññā tasseva. Tassa adhippāyaṃ ajānitvā hañcīti laddhiṭṭhapanā paravādissa. Idānissa asallakkhaṇaṃ pākaṭaṃ kātuṃ bodhipaṭilābhā buddhoti bodhiyā buddhoti pucchā sakavādissa. Tassattho – ‘‘kiṃ te yasmā bodhipaṭilābhā buddho, tasmā bodhiyā buddho’’ti. Itaro ‘‘bodhipaṭilābho nāma bodhiyā uppajjitvā niruddhāyapi santāne uppannabhāvoyeva. Bodhi nāma maggakkhaṇe ñāṇa’’nti imaṃ vibhāgaṃ asallakkhentova puna paṭijānāti. Tato sakavādinā bodhipaṭilābhā bodhīti puṭṭho vacanokāsaṃ alabhanto paṭikkhipatīti.
б̣од̇хияааб̣уд̣̇д̇ход̇игат̇ааван̣н̣анаа.
Bodhiyābuddhotikathāvaṇṇanā.
ид̇и имаа д̇иссоби гат̇аа уд̇д̇араабат̇агаанам̣язва.
Iti imā tissopi kathā uttarāpathakānaṃyeva.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (38) 6. б̣од̇хияаа б̣уд̣̇д̇ход̇игат̇аа • (38) 6. Bodhiyā buddhotikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. б̣од̇хияааб̣уд̣̇д̇ход̇игат̇ааван̣н̣анаа • 6. Bodhiyābuddhotikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. б̣од̇хияааб̣уд̣̇д̇ход̇игат̇ааван̣н̣анаа • 6. Bodhiyābuddhotikathāvaṇṇanā
