| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓๘. โพธิวนฺทนวโคฺค
38. Bodhivandanavaggo
๑. โพธิวนฺทกเตฺถรอปทานํ
1. Bodhivandakattheraapadānaṃ
๑.
1.
‘‘ปาฎลิํ หริตํ ทิสฺวา, ปาทปํ ธรณีรุหํ;
‘‘Pāṭaliṃ haritaṃ disvā, pādapaṃ dharaṇīruhaṃ;
เอกํสํ อญฺชลิํ กตฺวา, อวนฺทิํ ปาฎลิํ อหํฯ
Ekaṃsaṃ añjaliṃ katvā, avandiṃ pāṭaliṃ ahaṃ.
๒.
2.
‘‘อญฺชลิํ ปคฺคเหตฺวาน, ครุํ กตฺวาน มานสํ;
‘‘Añjaliṃ paggahetvāna, garuṃ katvāna mānasaṃ;
อโนฺตสุทฺธํ พหิสุทฺธํ, สุวิมุตฺตมนาสวํฯ
Antosuddhaṃ bahisuddhaṃ, suvimuttamanāsavaṃ.
๓.
3.
‘‘วิปสฺสิํ โลกมหิตํ, กรุณาญาณสาครํ;
‘‘Vipassiṃ lokamahitaṃ, karuṇāñāṇasāgaraṃ;
สมฺมุขา วิย สมฺพุทฺธํ, อวนฺทิํ ปาฎลิํ อหํฯ
Sammukhā viya sambuddhaṃ, avandiṃ pāṭaliṃ ahaṃ.
๔.
4.
‘‘เอกนวุติโต กเปฺป, ยํ โพธิมภิวนฺทหํ;
‘‘Ekanavutito kappe, yaṃ bodhimabhivandahaṃ;
ทุคฺคติํ นาภิชานามิ, วนฺทนาย อิทํ ผลํฯ
Duggatiṃ nābhijānāmi, vandanāya idaṃ phalaṃ.
๕.
5.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา โพธิวนฺทโก เถโร อิมา คาถาโย อภาสิตฺถาติฯ
Itthaṃ sudaṃ āyasmā bodhivandako thero imā gāthāyo abhāsitthāti.
โพธิวนฺทกเตฺถรสฺสาปทานํ ปฐมํฯ
Bodhivandakattherassāpadānaṃ paṭhamaṃ.
