| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. बोधिउपट्ठाकत्थेरअपदानं
6. Bodhiupaṭṭhākattheraapadānaṃ
३०.
30.
‘‘नगरे रम्मवतिया, आसिं मुरजवादको।
‘‘Nagare rammavatiyā, āsiṃ murajavādako;
निच्चुपट्ठानयुत्तोम्हि, गतोहं बोधिमुत्तमं॥
Niccupaṭṭhānayuttomhi, gatohaṃ bodhimuttamaṃ.
३१.
31.
‘‘सायं पातं उपट्ठित्वा, सुक्कमूलेन चोदितो।
‘‘Sāyaṃ pātaṃ upaṭṭhitvā, sukkamūlena codito;
अट्ठारसकप्पसते, दुग्गतिं नुपपज्जहं॥
Aṭṭhārasakappasate, duggatiṃ nupapajjahaṃ.
३२.
32.
‘‘पन्नरसे कप्पसते, इतो आसिं जनाधिपो।
‘‘Pannarase kappasate, ito āsiṃ janādhipo;
३३.
33.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बोधिउपट्ठाको थेरो इमा गाथायो अभासित्थाति।
Itthaṃ sudaṃ āyasmā bodhiupaṭṭhāko thero imā gāthāyo abhāsitthāti.
बोधिउपट्ठाकत्थेरस्सापदानं छट्ठं।
Bodhiupaṭṭhākattherassāpadānaṃ chaṭṭhaṃ.
Footnotes:
