| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. б̣ил̣аалид̣̇ааяагад̇т̇зраабад̣̇аанаван̣н̣анаа
9. Biḷālidāyakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о б̣ил̣аалид̣̇ааяагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ васанд̇о д̇ад̇т̇аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о ад̇ийва аббижчасанд̇удто аалуваад̣̇ийхи яаабзнд̇о васад̇и. д̇ад̣̇аа бад̣̇умуд̇д̇аро бхаг̇аваа д̇асса анугамбааяа д̇ам̣ химаванд̇ам̣ аг̇амааси . д̇ам̣ д̣̇исваа басанно ванд̣̇ид̇ваа б̣ил̣аалияо г̇ахзд̇ваа бад̇д̇з огири. д̇ам̣ д̇ат̇ааг̇ад̇о д̇ассаанугамбааяа соманассуббаад̣̇аяанд̇о барибхун̃ж̇и. со д̇зна гаммзна д̇ад̇о жуд̇о д̣̇звамануссзсу убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇ид̇ваа вуд̣̇д̇химанвааяа сад̇т̇ари басанно саасанз баб̣б̣аж̇ид̇ваа нажирассзва арахаа ахоси.
Himavantassāvidūretiādikaṃ āyasmato biḷālidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharāvāsaṃ vasanto tatthādīnavaṃ disvā gharāvāsaṃ pahāya tāpasapabbajjaṃ pabbajitvā himavante vasanto atīva appicchasantuṭṭho āluvādīhi yāpento vasati. Tadā padumuttaro bhagavā tassa anukampāya taṃ himavantaṃ agamāsi . Taṃ disvā pasanno vanditvā biḷāliyo gahetvā patte okiri. Taṃ tathāgato tassānukampāya somanassuppādayanto paribhuñji. So tena kammena tato cuto devamanussesu ubhayasampattiyo anubhavitvā imasmiṃ buddhuppāde kulagehe nibbattitvā vuddhimanvāya satthari pasanno sāsane pabbajitvā nacirasseva arahā ahosi.
53. со абарабхааг̇з ад̇д̇ано гусалагаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. д̇ам̣ саб̣б̣ам̣ хздтаа вуд̇д̇анаяад̇д̇аа уд̇д̇аанад̇т̇амзва. аалувагарамбхаад̣̇аяо д̇зсам̣ д̇зсам̣ ганд̣̇аж̇аад̇ийнам̣ наамаанзваад̇и.
53. So aparabhāge attano kusalakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ sabbaṃ heṭṭhā vuttanayattā uttānatthameva. Āluvakarambhādayo tesaṃ tesaṃ kandajātīnaṃ nāmānevāti.
б̣ил̣аалид̣̇ааяагад̇т̇зраабад̣̇аанаван̣н̣анаа самад̇д̇аа.
Biḷālidāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. б̣ил̣аалид̣̇ааяагад̇т̇зраабад̣̇аанам̣ • 9. Biḷālidāyakattheraapadānaṃ
