| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. बिळालिदायकत्थेरअपदानं
5. Biḷālidāyakattheraapadānaṃ
१८.
18.
‘‘हिमवन्तस्साविदूरे , रोमसो नाम पब्बतो।
‘‘Himavantassāvidūre , romaso nāma pabbato;
तम्हि पब्बतपादम्हि, समणो भावितिन्द्रियो॥
Tamhi pabbatapādamhi, samaṇo bhāvitindriyo.
१९.
19.
‘‘बिळालियो गहेत्वान, समणस्स अदासहं।
‘‘Biḷāliyo gahetvāna, samaṇassa adāsahaṃ;
अनुमोदि महावीरो, सयम्भू अपराजितो॥
Anumodi mahāvīro, sayambhū aparājito.
२०.
20.
‘‘बिळाली ते मम दिन्ना, विप्पसन्नेन चेतसा।
‘‘Biḷālī te mama dinnā, vippasannena cetasā;
भवे निब्बत्तमानम्हि, फलं निब्बत्ततं तव॥
Bhave nibbattamānamhi, phalaṃ nibbattataṃ tava.
२१.
21.
‘‘चतुन्नवुतितो कप्पे, यं बिळालिमदासहं।
‘‘Catunnavutito kappe, yaṃ biḷālimadāsahaṃ;
दुग्गतिं नाभिजानामि, बिळालिया इदं फलं॥
Duggatiṃ nābhijānāmi, biḷāliyā idaṃ phalaṃ.
२२.
22.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बिळालिदायको थेरो इमा गाथायो अभासित्थाति।
Itthaṃ sudaṃ āyasmā biḷālidāyako thero imā gāthāyo abhāsitthāti.
बिळालिदायकत्थेरस्सापदानं पञ्चमं।
Biḷālidāyakattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. आकासुक्खिपियत्थेरअपदानादिवण्णना • 1-10. Ākāsukkhipiyattheraapadānādivaṇṇanā
