| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൨. ബീജസുത്തവണ്ണനാ
2. Bījasuttavaṇṇanā
൫൪. ബീജജാതാനീതി ജാത-സദ്ദോ പദപൂരണമത്തന്തി ആഹ ‘‘ബീജാനീ’’തി. വചന്തി സേതവചം. അജ്ജുകന്തി തച്ഛകം. ഫണിജ്ജകം തുലസി. അഭിന്നാനീതി ഏകദേസേനപി അഖണ്ഡിതാനി. ബീജത്ഥായാതി ബീജകിച്ചായ. ന ഉപകപ്പതീതി പച്ചയോ ന ഹോതീതി ദസ്സേതി. ന പാപിതാനീതി പൂതിതം ന ഉപഗതാനി. തണ്ഡുലസാരസ്സ ആദാനതോ സാരാദാനി. ആരമ്മണഗ്ഗഹണവസേന വിഞ്ഞാണം തിട്ഠതി ഏത്ഥാതി വിഞ്ഞാണട്ഠിതിയോ. ആരമ്മണവസേനാതി ആരമ്മണഭാവവസേന. സിനേഹനട്ഠേനാതി തണ്ഹായനവസേന സിനിദ്ധതാപാദനേന, യതോ ‘‘നന്ദൂപസേചന’’ന്തി വുത്തം. തഥാ ഹി വിരോപിതം തം കമ്മവിഞ്ഞാണം പടിസന്ധിഅങ്കുരുപ്പാദനസമത്ഥം ഹോതി. സപ്പച്ചയന്തി അവിജ്ജാഅയോനിസോനമനസികാരാദിപച്ചയേഹി സപ്പച്ചയം. വിരുഹതി വിപാകസന്താനുപ്പാദനസമത്ഥോ ഹുത്വാ.
54.Bījajātānīti jāta-saddo padapūraṇamattanti āha ‘‘bījānī’’ti. Vacanti setavacaṃ. Ajjukanti tacchakaṃ. Phaṇijjakaṃ tulasi. Abhinnānīti ekadesenapi akhaṇḍitāni. Bījatthāyāti bījakiccāya. Na upakappatīti paccayo na hotīti dasseti. Na pāpitānīti pūtitaṃ na upagatāni. Taṇḍulasārassa ādānato sārādāni. Ārammaṇaggahaṇavasena viññāṇaṃ tiṭṭhati etthāti viññāṇaṭṭhitiyo. Ārammaṇavasenāti ārammaṇabhāvavasena. Sinehanaṭṭhenāti taṇhāyanavasena siniddhatāpādanena, yato ‘‘nandūpasecana’’nti vuttaṃ. Tathā hi viropitaṃ taṃ kammaviññāṇaṃ paṭisandhiaṅkuruppādanasamatthaṃ hoti. Sappaccayanti avijjāayonisonamanasikārādipaccayehi sappaccayaṃ. Viruhati vipākasantānuppādanasamattho hutvā.
ബീജസുത്തവണ്ണനാ നിട്ഠിതാ.
Bījasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ബീജസുത്തം • 2. Bījasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. ബീജസുത്തവണ്ണനാ • 2. Bījasuttavaṇṇanā
