| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༨. དུཏིཡཨཱམཀདྷཉྙཔེཡྻཱལཝགྒོ
8. Dutiyaāmakadhaññapeyyālavaggo
༨. བཱིཛགཱམསུཏྟཝཎྞནཱ
8. Bījagāmasuttavaṇṇanā
༡༡༤༨. ‘‘མཱུལབཱིཛ’’ནྟིཨཱདཱིསུ མཱུལམེཝ བཱིཛནྟི མཱུལབཱིཛཾ, མཱུལབཱིཛཾ ཨེཏསྶཱཏིཔི མཱུལབཱིཛཾ། ཏཏྠ པུརིམེན བཱིཛགཱམོ ཝུཏྟོ ‘‘བཱིཛཱནཾ སམཱུཧོ’’ཏི ཀཏྭཱ, དུཏིཡེན བྷཱུཏགཱམོ། དུཝིདྷོཔེསོ སཱམཉྙནིདྡེསེན, ‘‘མཱུལབཱིཛཉྩ མཱུལབཱིཛཉྩ མཱུལབཱིཛ’’ནྟི ཨེཀསེསནཡེན ཝཱ བཱིཛཏྠོ ཝེདིཏབྦོ། ཨེས ནཡོ སེསེསུཔི། ཕལུ༹བཱིཛནྟི པབྦབཱིཛཾ། བཱཧིརཔཙྩཡནྟརསམཝཱཡེ སདིསཕལུཔྤཏྟིཡཱ ཝིསེསཀཱརཎབྷཱཝཏོ ཝིརུཧནསམཏྠེ སཱརཕལེ ནིརུལ༹ྷོ བཱིཛ-སདྡོ། ཏདཏྠསིདྡྷིཡཱ མཱུལཱདཱིསུཔི ཀེསུཙི པཝཏྟཏཱིཏི ཏཏོ ནིཝཏྟནཏྠཾ ཨེཀེན བཱིཛ-སདྡེན ཝིསེསེཏྭཱ ཝུཏྟཾ ‘‘བཱིཛབཱིཛ’’ནྟི ‘‘རཱུཔརཱུཔཾ, དུཀྑདུཀྑ’’ནྟི (སཾ॰ ནི॰ ༤.༣༢༧) ཙ ཡཐཱ། ནཱིལཏིཎརུཀྑཱདིཀསྶཱཏི ཨལླཏིཎསྶ ཙེཝ ཨལླརུཀྑཱདིཀསྶ ཙ། ཨཱདི-སདྡེན ཨོསདྷིགཙྪལཏཱདཱིནཾ གཧཎཾ།
1148. ‘‘Mūlabīja’’ntiādīsu mūlameva bījanti mūlabījaṃ, mūlabījaṃ etassātipi mūlabījaṃ. Tattha purimena bījagāmo vutto ‘‘bījānaṃ samūho’’ti katvā, dutiyena bhūtagāmo. Duvidhopeso sāmaññaniddesena, ‘‘mūlabījañca mūlabījañca mūlabīja’’nti ekasesanayena vā bījattho veditabbo. Esa nayo sesesupi. Phaḷubījanti pabbabījaṃ. Bāhirapaccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasiddhiyā mūlādīsupi kesuci pavattatīti tato nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ gahaṇaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. བཱིཛགཱམསུཏྟཾ • 8. Bījagāmasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨. བཱིཛགཱམསུཏྟཝཎྞནཱ • 8. Bījagāmasuttavaṇṇanā
