| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. દુતિયઆમકધઞ્ઞપેય્યાલવગ્ગો
8. Dutiyaāmakadhaññapeyyālavaggo
૮. બીજગામસુત્તવણ્ણના
8. Bījagāmasuttavaṇṇanā
૧૧૪૮. ‘‘મૂલબીજ’’ન્તિઆદીસુ મૂલમેવ બીજન્તિ મૂલબીજં, મૂલબીજં એતસ્સાતિપિ મૂલબીજં. તત્થ પુરિમેન બીજગામો વુત્તો ‘‘બીજાનં સમૂહો’’તિ કત્વા, દુતિયેન ભૂતગામો. દુવિધોપેસો સામઞ્ઞનિદ્દેસેન, ‘‘મૂલબીજઞ્ચ મૂલબીજઞ્ચ મૂલબીજ’’ન્તિ એકસેસનયેન વા બીજત્થો વેદિતબ્બો. એસ નયો સેસેસુપિ. ફળુબીજન્તિ પબ્બબીજં. બાહિરપચ્ચયન્તરસમવાયે સદિસફલુપ્પત્તિયા વિસેસકારણભાવતો વિરુહનસમત્થે સારફલે નિરુળ્હો બીજ-સદ્દો. તદત્થસિદ્ધિયા મૂલાદીસુપિ કેસુચિ પવત્તતીતિ તતો નિવત્તનત્થં એકેન બીજ-સદ્દેન વિસેસેત્વા વુત્તં ‘‘બીજબીજ’’ન્તિ ‘‘રૂપરૂપં, દુક્ખદુક્ખ’’ન્તિ (સં॰ નિ॰ ૪.૩૨૭) ચ યથા. નીલતિણરુક્ખાદિકસ્સાતિ અલ્લતિણસ્સ ચેવ અલ્લરુક્ખાદિકસ્સ ચ. આદિ-સદ્દેન ઓસધિગચ્છલતાદીનં ગહણં.
1148. ‘‘Mūlabīja’’ntiādīsu mūlameva bījanti mūlabījaṃ, mūlabījaṃ etassātipi mūlabījaṃ. Tattha purimena bījagāmo vutto ‘‘bījānaṃ samūho’’ti katvā, dutiyena bhūtagāmo. Duvidhopeso sāmaññaniddesena, ‘‘mūlabījañca mūlabījañca mūlabīja’’nti ekasesanayena vā bījattho veditabbo. Esa nayo sesesupi. Phaḷubījanti pabbabījaṃ. Bāhirapaccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasiddhiyā mūlādīsupi kesuci pavattatīti tato nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ gahaṇaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. બીજગામસુત્તં • 8. Bījagāmasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. બીજગામસુત્તવણ્ણના • 8. Bījagāmasuttavaṇṇanā
