| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
18. бхууминаанад̇д̇ан̃аан̣анид̣̇д̣̇зсо
18. Bhūminānattañāṇaniddeso
72. гат̇ам̣ жад̇уд̇хаммававад̇т̇аанз бан̃н̃аа бхууминаанад̇д̇з н̃аан̣ам̣? жад̇ассо бхуумияо – гаамааважараа бхууми, руубааважараа бхууми, аруубааважараа бхууми, абарияаабаннаа бхууми. гад̇амаа гаамааважараа бхууми? хздтад̇о авийжинираяам̣ барияанд̇ам̣ гарид̇ваа убарид̇о бараниммид̇авасавад̇д̇ий д̣̇звз 1 анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа канд̇хад̇хаад̇уааяад̇анаа руубам̣ взд̣̇анаа сан̃н̃аа сан̇каараа вин̃н̃аан̣ам̣ – аяам̣ гаамааважараа бхууми.
72. Kathaṃ catudhammavavatthāne paññā bhūminānatte ñāṇaṃ? Catasso bhūmiyo – kāmāvacarā bhūmi, rūpāvacarā bhūmi, arūpāvacarā bhūmi, apariyāpannā bhūmi. Katamā kāmāvacarā bhūmi? Heṭṭhato avīcinirayaṃ pariyantaṃ karitvā uparito paranimmitavasavattī deve 2 antokaritvā yaṃ etasmiṃ antare etthāvacarā ettha pariyāpannā khandhadhātuāyatanā rūpaṃ vedanā saññā saṅkhārā viññāṇaṃ – ayaṃ kāmāvacarā bhūmi.
гад̇амаа руубааважараа бхууми? хздтад̇о б̣рахмалогам̣ барияанд̇ам̣ гарид̇ваа убарид̇о аганидтз д̣̇звз анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа самаабаннасса ваа убабаннасса ваа д̣̇идтад̇хаммасукавихаарисса ваа жид̇д̇ажзд̇асигаа д̇хаммаа – аяам̣ руубааважараа бхууми.
Katamā rūpāvacarā bhūmi? Heṭṭhato brahmalokaṃ pariyantaṃ karitvā uparito akaniṭṭhe deve antokaritvā yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ayaṃ rūpāvacarā bhūmi.
гад̇амаа аруубааважараа бхууми? хздтад̇о аагаасаанан̃жааяад̇ануубаг̇з д̣̇звз барияанд̇ам̣ гарид̇ваа убарид̇о нзвасан̃н̃аанаасан̃н̃ааяад̇ануубаг̇з д̣̇звз анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа самаабаннасса ваа убабаннасса ваа д̣̇идтад̇хаммасукавихаарисса ваа жид̇д̇ажзд̇асигаа д̇хаммаа – аяам̣ аруубааважараа бхууми.
Katamā arūpāvacarā bhūmi? Heṭṭhato ākāsānañcāyatanūpage deve pariyantaṃ karitvā uparito nevasaññānāsaññāyatanūpage deve antokaritvā yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ayaṃ arūpāvacarā bhūmi.
гад̇амаа абарияаабаннаа бхууми? абарияаабаннаа маг̇г̇аа жа маг̇г̇апалаани жа асан̇кад̇аа жа д̇хаад̇у – аяам̣ абарияаабаннаа бхууми. имаа жад̇ассо бхуумияо.
Katamā apariyāpannā bhūmi? Apariyāpannā maggā ca maggaphalāni ca asaṅkhatā ca dhātu – ayaṃ apariyāpannā bhūmi. Imā catasso bhūmiyo.
абарааби жад̇ассо бхуумияо жад̇д̇ааро сад̇ибадтаанаа жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, жад̇д̇аари жхаанаани, жад̇ассо аббаман̃н̃ааяо, жад̇ассо аруубасамаабад̇д̇ияо, жад̇ассо бадисамбхид̣̇аа, жад̇ассо бадибад̣̇аа, жад̇д̇аари аарамман̣аани, жад̇д̇ааро арияавам̣саа, жад̇д̇аари сан̇г̇ахавад̇т̇ууни , жад̇д̇аари жаггаани, жад̇д̇аари д̇хаммабад̣̇аани – имаа жад̇ассо бхуумияо. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘жад̇уд̇хаммававад̇т̇аанз бан̃н̃аа бхууминаанад̇д̇з н̃аан̣ам̣’’.
Aparāpi catasso bhūmiyo cattāro satipaṭṭhānā cattāro sammappadhānā, cattāro iddhipādā, cattāri jhānāni, catasso appamaññāyo, catasso arūpasamāpattiyo, catasso paṭisambhidā, catasso paṭipadā, cattāri ārammaṇāni, cattāro ariyavaṃsā, cattāri saṅgahavatthūni , cattāri cakkāni, cattāri dhammapadāni – imā catasso bhūmiyo. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘catudhammavavatthāne paññā bhūminānatte ñāṇaṃ’’.
бхууминаанад̇д̇ан̃аан̣анид̣̇д̣̇зсо адтаарасамо.
Bhūminānattañāṇaniddeso aṭṭhārasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 18. бхууминаанад̇д̇ан̃аан̣анид̣̇д̣̇зсаван̣н̣анаа • 18. Bhūminānattañāṇaniddesavaṇṇanā
