| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๙. โภชนสุตฺตํ
9. Bhojanasuttaṃ
๕๙. ‘‘โภชนํ , ภิกฺขเว, ททมาโน ทายโก ปฎิคฺคาหกานํ จตฺตาริ ฐานานิ เทติฯ กตมานิ จตฺตาริ? อายุํ เทติ, วณฺณํ เทติ, สุขํ เทติ, พลํ เทติฯ อายุํ โข ปน ทตฺวา อายุสฺส ภาคี โหติ ทิพฺพสฺส วา มานุสสฺส วาฯ วณฺณํ ทตฺวา… สุขํ ทตฺวา… พลํ ทตฺวา พลสฺส ภาคี โหติ ทิพฺพสฺส วา มานุสสฺส วาฯ โภชนํ, ภิกฺขเว, ททมาโน ทายโก ปฎิคฺคาหกานํ อิมานิ จตฺตาริ ฐานานิ เทตี’’ติฯ
59. ‘‘Bhojanaṃ , bhikkhave, dadamāno dāyako paṭiggāhakānaṃ cattāri ṭhānāni deti. Katamāni cattāri? Āyuṃ deti, vaṇṇaṃ deti, sukhaṃ deti, balaṃ deti. Āyuṃ kho pana datvā āyussa bhāgī hoti dibbassa vā mānusassa vā. Vaṇṇaṃ datvā… sukhaṃ datvā… balaṃ datvā balassa bhāgī hoti dibbassa vā mānusassa vā. Bhojanaṃ, bhikkhave, dadamāno dāyako paṭiggāhakānaṃ imāni cattāri ṭhānāni detī’’ti.
กาเลน สกฺกจฺจ ททาติ โภชนํ;
Kālena sakkacca dadāti bhojanaṃ;
จตฺตาริ ฐานานิ อนุปฺปเวจฺฉติ,
Cattāri ṭhānāni anuppavecchati,
อายุญฺจ วณฺณญฺจ สุขํ พลญฺจฯ
Āyuñca vaṇṇañca sukhaṃ balañca.
‘‘โส อายุทายี วณฺณทายี, สุขํ พลํ ทโท นโร;
‘‘So āyudāyī vaṇṇadāyī, sukhaṃ balaṃ dado naro;
ทีฆายุ ยสวา โหติ, ยตฺถ ยตฺถูปปชฺชตี’’ติฯ นวมํ;
Dīghāyu yasavā hoti, yattha yatthūpapajjatī’’ti. navamaṃ;
Footnotes:
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗-๑๐. สุปฺปวาสาสุตฺตาทิวณฺณนา • 7-10. Suppavāsāsuttādivaṇṇanā
