| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. போ⁴ஜனதா³யகத்தே²ரஅபதா³னங்
2. Bhojanadāyakattheraapadānaṃ
4.
4.
‘‘ஸுஜாதோ ஸாலலட்டீ²வ, ஸோப⁴ஞ்ஜனமிவுக்³க³தோ;
‘‘Sujāto sālalaṭṭhīva, sobhañjanamivuggato;
இந்த³லட்டி²ரிவாகாஸே, விரோசதி ஸதா³ ஜினோ.
Indalaṭṭhirivākāse, virocati sadā jino.
5.
5.
‘‘தஸ்ஸ தே³வாதிதே³வஸ்ஸ, வெஸ்ஸபு⁴ஸ்ஸ மஹேஸினோ;
‘‘Tassa devātidevassa, vessabhussa mahesino;
அதா³ஸி போ⁴ஜனமஹங், விப்பஸன்னேன சேதஸா.
Adāsi bhojanamahaṃ, vippasannena cetasā.
6.
6.
‘‘தங் மே பு³த்³தோ⁴ அனுமோதி³, ஸயம்பூ⁴ அபராஜிதோ;
‘‘Taṃ me buddho anumodi, sayambhū aparājito;
ப⁴வே நிப்³ப³த்தமானம்ஹி, ப²லங் நிப்³ப³த்ததூ தவ.
Bhave nibbattamānamhi, phalaṃ nibbattatū tava.
7.
7.
‘‘ஏகத்திங்ஸே இதோ கப்பே, யங் தா³னமத³தி³ங் ததா³;
‘‘Ekattiṃse ito kappe, yaṃ dānamadadiṃ tadā;
து³க்³க³திங் நாபி⁴ஜானாமி, போ⁴ஜனஸ்ஸ இத³ங் ப²லங்.
Duggatiṃ nābhijānāmi, bhojanassa idaṃ phalaṃ.
8.
8.
‘‘பஞ்சவீஸே இதோ கப்பே, ஏகோ ஆஸிங் அமித்தகோ;
‘‘Pañcavīse ito kappe, eko āsiṃ amittako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
9.
9.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா போ⁴ஜனதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā bhojanadāyako thero imā gāthāyo abhāsitthāti.
போ⁴ஜனதா³யகத்தே²ரஸ்ஸாபதா³னங் து³தியங்.
Bhojanadāyakattherassāpadānaṃ dutiyaṃ.
