| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၇. ဘောဂသုတ္တံ
7. Bhogasuttaṃ
၂၂၇. ‘‘ပဉ္စိမေ, ဘိက္ခဝေ, အာဒီနဝာ ဘောဂေသု။ ကတမေ ပဉ္စ? အဂ္ဂိသာဓာရဏာ ဘောဂာ, ဥဒကသာဓာရဏာ ဘောဂာ, ရာဇသာဓာရဏာ ဘောဂာ, စောရသာဓာရဏာ ဘောဂာ, အပ္ပိယေဟိ ဒာယာဒေဟိ သာဓာရဏာ ဘောဂာ။ ဣမေ ခော, ဘိက္ခဝေ, ပဉ္စ အာဒီနဝာ ဘောဂေသု။
227. ‘‘Pañcime, bhikkhave, ādīnavā bhogesu. Katame pañca? Aggisādhāraṇā bhogā, udakasādhāraṇā bhogā, rājasādhāraṇā bhogā, corasādhāraṇā bhogā, appiyehi dāyādehi sādhāraṇā bhogā. Ime kho, bhikkhave, pañca ādīnavā bhogesu.
‘‘ပဉ္စိမေ, ဘိက္ခဝေ, အာနိသံသာ ဘောဂေသု။ ကတမေ ပဉ္စ? ဘောဂေ နိသ္သာယ အတ္တာနံ သုခေတိ ပီဏေတိ သမ္မာ သုခံ ပရိဟရတိ, မာတာပိတရော သုခေတိ ပီဏေတိ သမ္မာ သုခံ ပရိဟရတိ, ပုတ္တဒာရဒာသကမ္မကရပောရိသေ သုခေတိ ပီဏေတိ သမ္မာ သုခံ ပရိဟရတိ, မိတ္တာမစ္စေ သုခေတိ ပီဏေတိ သမ္မာ သုခံ ပရိဟရတိ, သမဏဗ္ရာဟ္မဏေသု ဥဒ္ဓဂ္ဂိကံ ဒက္ခိဏံ ပတိဋ္ဌာပေတိ သောဝဂ္ဂိကံ သုခဝိပာကံ သဂ္ဂသံဝတ္တနိကံ။ ဣမေ ခော, ဘိက္ခဝေ, ပဉ္စ အာနိသံသာ ဘောဂေသူ’’တိ။ သတ္တမံ။
‘‘Pañcime, bhikkhave, ānisaṃsā bhogesu. Katame pañca? Bhoge nissāya attānaṃ sukheti pīṇeti sammā sukhaṃ pariharati, mātāpitaro sukheti pīṇeti sammā sukhaṃ pariharati, puttadāradāsakammakaraporise sukheti pīṇeti sammā sukhaṃ pariharati, mittāmacce sukheti pīṇeti sammā sukhaṃ pariharati, samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Ime kho, bhikkhave, pañca ānisaṃsā bhogesū’’ti. Sattamaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမဒီဃစာရိကသုတ္တာဒိဝဏ္ဏနာ • 1-10. Paṭhamadīghacārikasuttādivaṇṇanā
