| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. भिसालुवदायकत्थेरअपदानं
4. Bhisāluvadāyakattheraapadānaṃ
१३.
13.
‘‘काननं वनमोगय्ह, वसामि विपिने अहं।
‘‘Kānanaṃ vanamogayha, vasāmi vipine ahaṃ;
विपस्सिं अद्दसं बुद्धं, आहुतीनं पटिग्गहं॥
Vipassiṃ addasaṃ buddhaṃ, āhutīnaṃ paṭiggahaṃ.
१४.
14.
‘‘भिसालुवञ्च पादासिं, उदकं हत्थधोवनं।
‘‘Bhisāluvañca pādāsiṃ, udakaṃ hatthadhovanaṃ;
वन्दित्वा सिरसा पादे, पक्कामि उत्तरामुखो॥
Vanditvā sirasā pāde, pakkāmi uttarāmukho.
१५.
15.
‘‘एकनवुतितो कप्पे, भिसालुवमदं तदा।
‘‘Ekanavutito kappe, bhisāluvamadaṃ tadā;
दुग्गतिं नाभिजानामि, पुञ्ञकम्मस्सिदं फलं॥
Duggatiṃ nābhijānāmi, puññakammassidaṃ phalaṃ.
१६.
16.
‘‘इतो ततियके कप्पे, भिससम्मतखत्तियो।
‘‘Ito tatiyake kappe, bhisasammatakhattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
१७.
17.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा भिसालुवदायको थेरो इमा गाथायो अभासित्थाति।
Itthaṃ sudaṃ āyasmā bhisāluvadāyako thero imā gāthāyo abhāsitthāti.
भिसालुवदायकत्थेरस्सापदानं चतुत्थं।
Bhisāluvadāyakattherassāpadānaṃ catutthaṃ.
छट्ठभाणवारं।
Chaṭṭhabhāṇavāraṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. भिसालुवदायकत्थेरअपदानवण्णना • 4. Bhisāluvadāyakattheraapadānavaṇṇanā
