| Library / Tipiṭaka / ཏིཔིཊཀ • Tipiṭaka / ཨཔདཱནཔཱལི༹ • Apadānapāḷi |
༥. བྷིསདཱཡཀཏྠེརཨཔདཱནཾ
5. Bhisadāyakattheraapadānaṃ
༢༩.
29.
‘‘ཝེསྶབྷཱུ ནཱམ ནཱམེན, ཨིསཱིནཾ ཏཏིཡོ ཨཧུ།
‘‘Vessabhū nāma nāmena, isīnaṃ tatiyo ahu;
ཀཱནནཾ ཝནམོགཡ྄ཧ, ཝིཧཱསི པུརིསུཏྟམོ༎
Kānanaṃ vanamogayha, vihāsi purisuttamo.
༣༠.
30.
‘‘བྷིསམུལཱ༹ལཾ གཎྷིཏྭཱ, ཨགམཾ བུདྡྷསནྟིཀཾ།
‘‘Bhisamuḷālaṃ gaṇhitvā, agamaṃ buddhasantikaṃ;
ཏཉྩ བུདྡྷསྶ པཱདཱསིཾ, པསནྣོ སེཧི པཱཎིབྷི༎
Tañca buddhassa pādāsiṃ, pasanno sehi pāṇibhi.
༣༡.
31.
‘‘ཀརེན ཙ པརཱམཊྛོ, ཝེསྶབྷཱུཝརབུདྡྷིནཱ།
‘‘Karena ca parāmaṭṭho, vessabhūvarabuddhinā;
སུཁཱཧཾ ནཱབྷིཛཱནཱམི, སམཾ ཏེན ཀུཏོཏྟརིཾ༎
Sukhāhaṃ nābhijānāmi, samaṃ tena kutottariṃ.
༣༢.
32.
‘‘ཙརིམོ ཝཏྟཏེ མཡ྄ཧཾ, བྷཝཱ སབྦེ སམཱུཧཏཱ།
‘‘Carimo vattate mayhaṃ, bhavā sabbe samūhatā;
༣༣.
33.
‘‘ཨེཀཏྟིཾསེ ཨིཏོ ཀཔྤེ, ཡཾ ཀམྨམཀརིཾ ཏདཱ།
‘‘Ekattiṃse ito kappe, yaṃ kammamakariṃ tadā;
དུགྒཏིཾ ནཱབྷིཛཱནཱམི, བྷིསདཱནསྶིདཾ ཕལཾ༎
Duggatiṃ nābhijānāmi, bhisadānassidaṃ phalaṃ.
༣༤.
34.
‘‘སམོདྷཱནཱ ཙ རཱཛཱནོ, སོལ༹ས མནུཛཱདྷིཔཱ།
‘‘Samodhānā ca rājāno, soḷasa manujādhipā;
༣༥.
35.
‘‘པཊིསམྦྷིདཱ ཙཏསྶོ…པེ॰… ཀཏཾ བུདྡྷསྶ སཱསནཾ’’༎
‘‘Paṭisambhidā catasso…pe… kataṃ buddhassa sāsanaṃ’’.
ཨིཏྠཾ སུདཾ ཨཱཡསྨཱ བྷིསདཱཡཀོ ཐེརོ ཨིམཱ གཱཐཱཡོ ཨབྷཱསིཏྠཱཏི།
Itthaṃ sudaṃ āyasmā bhisadāyako thero imā gāthāyo abhāsitthāti.
བྷིསདཱཡཀཏྠེརསྶཱཔདཱནཾ པཉྩམཾ།
Bhisadāyakattherassāpadānaṃ pañcamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཨཔདཱན-ཨཊྛཀཐཱ • Apadāna-aṭṭhakathā / ༥. བྷིསདཱཡཀཏྠེརཨཔདཱནཝཎྞནཱ • 5. Bhisadāyakattheraapadānavaṇṇanā
