| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಭಿಸದಾಯಕತ್ಥೇರಅಪದಾನಂ
5. Bhisadāyakattheraapadānaṃ
೨೯.
29.
‘‘ವೇಸ್ಸಭೂ ನಾಮ ನಾಮೇನ, ಇಸೀನಂ ತತಿಯೋ ಅಹು।
‘‘Vessabhū nāma nāmena, isīnaṃ tatiyo ahu;
ಕಾನನಂ ವನಮೋಗಯ್ಹ, ವಿಹಾಸಿ ಪುರಿಸುತ್ತಮೋ॥
Kānanaṃ vanamogayha, vihāsi purisuttamo.
೩೦.
30.
‘‘ಭಿಸಮುಳಾಲಂ ಗಣ್ಹಿತ್ವಾ, ಅಗಮಂ ಬುದ್ಧಸನ್ತಿಕಂ।
‘‘Bhisamuḷālaṃ gaṇhitvā, agamaṃ buddhasantikaṃ;
ತಞ್ಚ ಬುದ್ಧಸ್ಸ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ॥
Tañca buddhassa pādāsiṃ, pasanno sehi pāṇibhi.
೩೧.
31.
‘‘ಕರೇನ ಚ ಪರಾಮಟ್ಠೋ, ವೇಸ್ಸಭೂವರಬುದ್ಧಿನಾ।
‘‘Karena ca parāmaṭṭho, vessabhūvarabuddhinā;
ಸುಖಾಹಂ ನಾಭಿಜಾನಾಮಿ, ಸಮಂ ತೇನ ಕುತೋತ್ತರಿಂ॥
Sukhāhaṃ nābhijānāmi, samaṃ tena kutottariṃ.
೩೨.
32.
‘‘ಚರಿಮೋ ವತ್ತತೇ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Carimo vattate mayhaṃ, bhavā sabbe samūhatā;
೩೩.
33.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Ekattiṃse ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ಭಿಸದಾನಸ್ಸಿದಂ ಫಲಂ॥
Duggatiṃ nābhijānāmi, bhisadānassidaṃ phalaṃ.
೩೪.
34.
‘‘ಸಮೋಧಾನಾ ಚ ರಾಜಾನೋ, ಸೋಳಸ ಮನುಜಾಧಿಪಾ।
‘‘Samodhānā ca rājāno, soḷasa manujādhipā;
೩೫.
35.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಭಿಸದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā bhisadāyako thero imā gāthāyo abhāsitthāti.
ಭಿಸದಾಯಕತ್ಥೇರಸ್ಸಾಪದಾನಂ ಪಞ್ಚಮಂ।
Bhisadāyakattherassāpadānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೫. ಭಿಸದಾಯಕತ್ಥೇರಅಪದಾನವಣ್ಣನಾ • 5. Bhisadāyakattheraapadānavaṇṇanā
