| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. भिसदायकत्थेरअपदानं
5. Bhisadāyakattheraapadānaṃ
२९.
29.
‘‘वेस्सभू नाम नामेन, इसीनं ततियो अहु।
‘‘Vessabhū nāma nāmena, isīnaṃ tatiyo ahu;
काननं वनमोगय्ह, विहासि पुरिसुत्तमो॥
Kānanaṃ vanamogayha, vihāsi purisuttamo.
३०.
30.
‘‘भिसमुळालं गण्हित्वा, अगमं बुद्धसन्तिकं।
‘‘Bhisamuḷālaṃ gaṇhitvā, agamaṃ buddhasantikaṃ;
तञ्च बुद्धस्स पादासिं, पसन्नो सेहि पाणिभि॥
Tañca buddhassa pādāsiṃ, pasanno sehi pāṇibhi.
३१.
31.
‘‘करेन च परामट्ठो, वेस्सभूवरबुद्धिना।
‘‘Karena ca parāmaṭṭho, vessabhūvarabuddhinā;
सुखाहं नाभिजानामि, समं तेन कुतोत्तरिं॥
Sukhāhaṃ nābhijānāmi, samaṃ tena kutottariṃ.
३२.
32.
‘‘चरिमो वत्तते मय्हं, भवा सब्बे समूहता।
‘‘Carimo vattate mayhaṃ, bhavā sabbe samūhatā;
३३.
33.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, भिसदानस्सिदं फलं॥
Duggatiṃ nābhijānāmi, bhisadānassidaṃ phalaṃ.
३४.
34.
‘‘समोधाना च राजानो, सोळस मनुजाधिपा।
‘‘Samodhānā ca rājāno, soḷasa manujādhipā;
३५.
35.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा भिसदायको थेरो इमा गाथायो अभासित्थाति।
Itthaṃ sudaṃ āyasmā bhisadāyako thero imā gāthāyo abhāsitthāti.
भिसदायकत्थेरस्सापदानं पञ्चमं।
Bhisadāyakattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. भिसदायकत्थेरअपदानवण्णना • 5. Bhisadāyakattheraapadānavaṇṇanā
