| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဘိက္ခုသုတ္တဝဏ္ဏနာ
5. Bhikkhusuttavaṇṇanā
၁၈၆. ဗောဓာယာတိ ဧတ္ထ ဗောဓော နာမ ဗုဇ္ဈနံ, တံ ပန ကိသ္သ ကေနာတိ ပုစ္ဆန္တော ‘‘ကိံ ဗုဇ္ဈနတ္ထာယာ’’တိ ဝတ္ဝာ တံ ဒသ္သေန္တော ‘‘မဂ္ဂေနာ’’တိအာဒိမာဟ။ မဂ္ဂေန နိဗ္ဗာနံ ဗုဇ္ဈနတ္ထာယ သံဝတ္တန္တိ, ပစ္စဝေက္ခဏာယ ကတကိစ္စတံ ဗုဇ္ဈနတ္ထာယ သံဝတ္တန္တိ, ပဌမဝိကပ္ပေ သစ္ဆိကိရိယာဘိသမယော ဧဝ ဒသ္သိတောတိ တေန အတုဋ္ဌေ ‘‘မဂ္ဂေန ဝာ’’တိ ဒုတိယဝိကပ္ပမာဟ။ ဝိဝေကနိသ္သိတံ ဝိရာဂနိသ္သိတန္တိ ပဒေဟိ သဗ္ဗံ မဂ္ဂကိစ္စံ တသ္သ ဖလဉ္စ ဒသ္သိတံ။ နိရောဓနိသ္သိတန္တိ ဣမိနာ နိဗ္ဗာနသစ္ဆိကိရိယာ။ ကာမာသဝာပိ စိတ္တံ ဝိမုစ္စတီတိအာဒိနာ ကိလေသပ္ပဟာနံ။ ဝိမုတ္တသ္မိံ ဝိမုတ္တမိတိ ဉာဏံ ဟောတီတိအာဒိနာ ပစ္စဝေက္ခဏာ ဒသ္သိတာ။
186.Bodhāyāti ettha bodho nāma bujjhanaṃ, taṃ pana kissa kenāti pucchanto ‘‘kiṃ bujjhanatthāyā’’ti vatvā taṃ dassento ‘‘maggenā’’tiādimāha. Maggena nibbānaṃ bujjhanatthāya saṃvattanti, paccavekkhaṇāya katakiccataṃ bujjhanatthāya saṃvattanti, paṭhamavikappe sacchikiriyābhisamayo eva dassitoti tena atuṭṭhe ‘‘maggena vā’’ti dutiyavikappamāha. Vivekanissitaṃ virāganissitanti padehi sabbaṃ maggakiccaṃ tassa phalañca dassitaṃ. Nirodhanissitanti iminā nibbānasacchikiriyā. Kāmāsavāpi cittaṃ vimuccatītiādinā kilesappahānaṃ. Vimuttasmiṃ vimuttamiti ñāṇaṃ hotītiādinā paccavekkhaṇā dassitā.
ဘိက္ခုသုတ္တဝဏ္ဏနာ နိဋ္ဌိတာ။
Bhikkhusuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဘိက္ခုသုတ္တံ • 5. Bhikkhusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဘိက္ခုသုတ္တဝဏ္ဏနာ • 5. Bhikkhusuttavaṇṇanā
