| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. பி⁴க்கு²ஸுத்தவண்ணனா
5. Bhikkhusuttavaṇṇanā
186. போ³தா⁴யாதி எத்த² போ³தோ⁴ நாம பு³ஜ்ஜ²னங், தங் பன கிஸ்ஸ கேனாதி புச்ச²ந்தோ ‘‘கிங் பு³ஜ்ஜ²னத்தா²யா’’தி வத்வா தங் த³ஸ்ஸெந்தோ ‘‘மக்³கே³னா’’திஆதி³மாஹ. மக்³கே³ன நிப்³பா³னங் பு³ஜ்ஜ²னத்தா²ய ஸங்வத்தந்தி, பச்சவெக்க²ணாய கதகிச்சதங் பு³ஜ்ஜ²னத்தா²ய ஸங்வத்தந்தி, பட²மவிகப்பே ஸச்சி²கிரியாபி⁴ஸமயோ ஏவ த³ஸ்ஸிதோதி தேன அதுட்டே² ‘‘மக்³கே³ன வா’’தி து³தியவிகப்பமாஹ. விவேகனிஸ்ஸிதங் விராக³னிஸ்ஸிதந்தி பதே³ஹி ஸப்³ப³ங் மக்³க³கிச்சங் தஸ்ஸ ப²லஞ்ச த³ஸ்ஸிதங். நிரோத⁴னிஸ்ஸிதந்தி இமினா நிப்³பா³னஸச்சி²கிரியா. காமாஸவாபி சித்தங் விமுச்சதீதிஆதி³னா கிலேஸப்பஹானங். விமுத்தஸ்மிங் விமுத்தமிதி ஞாணங் ஹோதீதிஆதி³னா பச்சவெக்க²ணா த³ஸ்ஸிதா.
186.Bodhāyāti ettha bodho nāma bujjhanaṃ, taṃ pana kissa kenāti pucchanto ‘‘kiṃ bujjhanatthāyā’’ti vatvā taṃ dassento ‘‘maggenā’’tiādimāha. Maggena nibbānaṃ bujjhanatthāya saṃvattanti, paccavekkhaṇāya katakiccataṃ bujjhanatthāya saṃvattanti, paṭhamavikappe sacchikiriyābhisamayo eva dassitoti tena atuṭṭhe ‘‘maggena vā’’ti dutiyavikappamāha. Vivekanissitaṃ virāganissitanti padehi sabbaṃ maggakiccaṃ tassa phalañca dassitaṃ. Nirodhanissitanti iminā nibbānasacchikiriyā. Kāmāsavāpi cittaṃ vimuccatītiādinā kilesappahānaṃ. Vimuttasmiṃ vimuttamiti ñāṇaṃ hotītiādinā paccavekkhaṇā dassitā.
பி⁴க்கு²ஸுத்தவண்ணனா நிட்டி²தா.
Bhikkhusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. பி⁴க்கு²ஸுத்தங் • 5. Bhikkhusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பி⁴க்கு²ஸுத்தவண்ணனா • 5. Bhikkhusuttavaṇṇanā
