| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
பி⁴க்கு²னீஉபஸம்பதா³னுஜானநகதா²வண்ணனா
Bhikkhunīupasampadānujānanakathāvaṇṇanā
404-8. பாளியங் யத³க்³கே³னாதி யஸ்மிங் தி³வஸே. ததா³தி தஸ்மிங்யேவ தி³வஸே. விமானெத்வாதி அவமானங் கத்வா.
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
410-1. ஆபத்திகா³மினியோதி ஆபத்திங் ஆபன்னாயோ. கம்மவிப⁴ங்கே³தி பரிவாரே கம்மவிப⁴ங்கே³ (பரி॰ 482 ஆத³யோ).
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
413-5. பாளியங் த்³வே திஸ்ஸோ பி⁴க்கு²னியோதி த்³வீஹி தீஹி பி⁴க்கு²னீஹி. ந ஆரோசெந்தீதி பாதிமொக்கு²த்³தே³ஸகஸ்ஸ ந ஆரோசெந்தி.
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
416. து³ஸ்ஸவேணியாதி அனேகது³ஸ்ஸபட்டே ஏகதோ கத்வா கதவேணியா.
416.Dussaveṇiyāti anekadussapaṭṭe ekato katvā kataveṇiyā.
417. விஸேஸகந்தி பத்தலேகா²தி³வண்ணவிஸேஸங். பகிணந்தீதி விக்கிணந்தி. நமனகந்தி பாஸுகட்டி²னமனகப³ந்த⁴னங்.
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
422-5. ஸங்வேல்லியந்தி கச்ச²ங் ப³ந்தி⁴த்வா நிவாஸனங். தயோ நிஸ்ஸயேதி ருக்க²மூலஸேனாஸனஸ்ஸ தாஸங் அலப்³ப⁴னதோ வுத்தங்.
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
426-8. அட்டே²வ பி⁴க்கு²னியோ யதா²வுட்³ட⁴ங் படிபா³ஹந்தீதி அட்ட² பி⁴க்கு²னியோ வுட்³ட⁴படிபாடியாவ க³ண்ஹந்தியோ ஆக³தபடிபாடிங் படிபா³ஹந்தி, நாஞ்ஞாதி அத்தோ². அனுவாத³ங் பட்ட²பெந்தீதி இஸ்ஸரியங் பவத்தெந்தீதி அத்த²ங் வத³ந்தி.
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
430. பி⁴க்கு²தூ³தேனாதி பி⁴க்கு²னா தூ³தபூ⁴தேன. ஸிக்க²மானதூ³தேனாதி ஸிக்க²மானாய தூ³தாய.
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
431. ந ஸம்மதீதி நப்பஹோதி. நவகம்மந்தி ‘‘நவகம்மங் கத்வா வஸதூ’’தி அபலோகெத்வா ஸங்கி⁴கபூ⁴மியா ஓகாஸதா³னங்.
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
432-6. ஸன்னிஸின்னக³ப்³பா⁴தி து³விஞ்ஞெய்யக³ப்³பா⁴. மஹிலாதித்தே²தி இத்தீ²னங் ஸாதா⁴ரணதித்தே².
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
பி⁴க்கு²னீஉபஸம்பதா³னுஜானநகதா²வண்ணனா நிட்டி²தா.
Bhikkhunīupasampadānujānanakathāvaṇṇanā niṭṭhitā.
பி⁴க்கு²னிக்க²ந்த⁴கவண்ணனானயோ நிட்டி²தோ.
Bhikkhunikkhandhakavaṇṇanānayo niṭṭhito.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
பி⁴க்கு²னீஉபஸம்பதா³னுஜானநங் • Bhikkhunīupasampadānujānanaṃ
2. து³தியபா⁴ணவாரோ • 2. Dutiyabhāṇavāro
3. ததியபா⁴ணவாரோ • 3. Tatiyabhāṇavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / பி⁴க்கு²னீஉபஸம்பதா³னுஜானநகதா² • Bhikkhunīupasampadānujānanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பி⁴க்கு²னீஉபஸம்பன்னானுஜானநகதா²வண்ணனா • Bhikkhunīupasampannānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பி⁴க்கு²னீஉபஸம்பதா³னுஜானநகதா²வண்ணனா • Bhikkhunīupasampadānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / பி⁴க்கு²னீஉபஸம்பதா³னுஜானநகதா² • Bhikkhunīupasampadānujānanakathā
