| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൯. ഭിക്ഖുനീസുത്തവണ്ണനാ
9. Bhikkhunīsuttavaṇṇanā
൧൫൯. നവമേ ഏവം പവത്തം പച്ചുപ്പന്നതണ്ഹം നിസ്സായാതി ‘‘കുദാസ്സു നാമാഹമ്പി ആസവാനം ഖയാ’’തിആദിനാ നയേന അനുത്തരേ വിമോക്ഖേ പിഹം ഉപ്പാദേന്തസ്സ ഉപ്പന്നതണ്ഹം നിസ്സായ. കഥം പന ലോകുത്തരധമ്മേ ആരബ്ഭ ആസാ ഉപ്പജ്ജതീതി? ന ഖോ പനേതം ഏവം ദട്ഠബ്ബം, ന ആരമ്മണകരണവസേന തത്ഥ പിഹാ പവത്തതി അവിസയത്താ പുഗ്ഗലസ്സ ച അനധിഗതഭാവതോ. അനുസ്സവൂപലദ്ധേ പന അനുത്തരവിമോക്ഖേ ഉദ്ദിസ്സ പിഹം ഉപ്പാദേന്തോ തത്ഥ പിഹം ഉപ്പാദേതി നാമ. നാകഡ്ഢതീതി കമ്മപഥഭാവം അപ്പത്തതായ പടിസന്ധിം ന ദേതി. സേസം സുവിഞ്ഞേയ്യമേവ.
159. Navame evaṃ pavattaṃ paccuppannataṇhaṃ nissāyāti ‘‘kudāssu nāmāhampi āsavānaṃ khayā’’tiādinā nayena anuttare vimokkhe pihaṃ uppādentassa uppannataṇhaṃ nissāya. Kathaṃ pana lokuttaradhamme ārabbha āsā uppajjatīti? Na kho panetaṃ evaṃ daṭṭhabbaṃ, na ārammaṇakaraṇavasena tattha pihā pavattati avisayattā puggalassa ca anadhigatabhāvato. Anussavūpaladdhe pana anuttaravimokkhe uddissa pihaṃ uppādento tattha pihaṃ uppādeti nāma. Nākaḍḍhatīti kammapathabhāvaṃ appattatāya paṭisandhiṃ na deti. Sesaṃ suviññeyyameva.
ഭിക്ഖുനീസുത്തവണ്ണനാ നിട്ഠിതാ.
Bhikkhunīsuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. ഭിക്ഖുനീസുത്തം • 9. Bhikkhunīsuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯. ഭിക്ഖുനീസുത്തവണ്ണനാ • 9. Bhikkhunīsuttavaṇṇanā
