| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၉. ဘိက္ခုနီသုတ္တဝဏ္ဏနာ
9. Bhikkhunīsuttavaṇṇanā
၁၅၉. နဝမေ ဧဝံ ပဝတ္တံ ပစ္စုပ္ပန္နတဏ္ဟံ နိသ္သာယာတိ ‘‘ကုဒာသ္သု နာမာဟမ္ပိ အာသဝာနံ ခယာ’’တိအာဒိနာ နယေန အနုတ္တရေ ဝိမောက္ခေ ပိဟံ ဥပ္ပာဒေန္တသ္သ ဥပ္ပန္နတဏ္ဟံ နိသ္သာယ။ ကထံ ပန လောကုတ္တရဓမ္မေ အာရဗ္ဘ အာသာ ဥပ္ပဇ္ဇတီတိ? န ခော ပနေတံ ဧဝံ ဒဋ္ဌဗ္ဗံ, န အာရမ္မဏကရဏဝသေန တတ္ထ ပိဟာ ပဝတ္တတိ အဝိသယတ္တာ ပုဂ္ဂလသ္သ စ အနဓိဂတဘာဝတော။ အနုသ္သဝူပလဒ္ဓေ ပန အနုတ္တရဝိမောက္ခေ ဥဒ္ဒိသ္သ ပိဟံ ဥပ္ပာဒေန္တော တတ္ထ ပိဟံ ဥပ္ပာဒေတိ နာမ။ နာကဍ္ဎတီတိ ကမ္မပထဘာဝံ အပ္ပတ္တတာယ ပဋိသန္ဓိံ န ဒေတိ။ သေသံ သုဝိညေယ္ယမေဝ။
159. Navame evaṃ pavattaṃ paccuppannataṇhaṃ nissāyāti ‘‘kudāssu nāmāhampi āsavānaṃ khayā’’tiādinā nayena anuttare vimokkhe pihaṃ uppādentassa uppannataṇhaṃ nissāya. Kathaṃ pana lokuttaradhamme ārabbha āsā uppajjatīti? Na kho panetaṃ evaṃ daṭṭhabbaṃ, na ārammaṇakaraṇavasena tattha pihā pavattati avisayattā puggalassa ca anadhigatabhāvato. Anussavūpaladdhe pana anuttaravimokkhe uddissa pihaṃ uppādento tattha pihaṃ uppādeti nāma. Nākaḍḍhatīti kammapathabhāvaṃ appattatāya paṭisandhiṃ na deti. Sesaṃ suviññeyyameva.
ဘိက္ခုနီသုတ္တဝဏ္ဏနာ နိဋ္ဌိတာ။
Bhikkhunīsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. ဘိက္ခုနီသုတ္တံ • 9. Bhikkhunīsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉. ဘိက္ခုနီသုတ္တဝဏ္ဏနာ • 9. Bhikkhunīsuttavaṇṇanā
