| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૯. ભિક્ખુનીસુત્તવણ્ણના
9. Bhikkhunīsuttavaṇṇanā
૧૫૯. નવમે એવં પવત્તં પચ્ચુપ્પન્નતણ્હં નિસ્સાયાતિ ‘‘કુદાસ્સુ નામાહમ્પિ આસવાનં ખયા’’તિઆદિના નયેન અનુત્તરે વિમોક્ખે પિહં ઉપ્પાદેન્તસ્સ ઉપ્પન્નતણ્હં નિસ્સાય. કથં પન લોકુત્તરધમ્મે આરબ્ભ આસા ઉપ્પજ્જતીતિ? ન ખો પનેતં એવં દટ્ઠબ્બં, ન આરમ્મણકરણવસેન તત્થ પિહા પવત્તતિ અવિસયત્તા પુગ્ગલસ્સ ચ અનધિગતભાવતો. અનુસ્સવૂપલદ્ધે પન અનુત્તરવિમોક્ખે ઉદ્દિસ્સ પિહં ઉપ્પાદેન્તો તત્થ પિહં ઉપ્પાદેતિ નામ. નાકડ્ઢતીતિ કમ્મપથભાવં અપ્પત્તતાય પટિસન્ધિં ન દેતિ. સેસં સુવિઞ્ઞેય્યમેવ.
159. Navame evaṃ pavattaṃ paccuppannataṇhaṃ nissāyāti ‘‘kudāssu nāmāhampi āsavānaṃ khayā’’tiādinā nayena anuttare vimokkhe pihaṃ uppādentassa uppannataṇhaṃ nissāya. Kathaṃ pana lokuttaradhamme ārabbha āsā uppajjatīti? Na kho panetaṃ evaṃ daṭṭhabbaṃ, na ārammaṇakaraṇavasena tattha pihā pavattati avisayattā puggalassa ca anadhigatabhāvato. Anussavūpaladdhe pana anuttaravimokkhe uddissa pihaṃ uppādento tattha pihaṃ uppādeti nāma. Nākaḍḍhatīti kammapathabhāvaṃ appattatāya paṭisandhiṃ na deti. Sesaṃ suviññeyyameva.
ભિક્ખુનીસુત્તવણ્ણના નિટ્ઠિતા.
Bhikkhunīsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૯. ભિક્ખુનીસુત્તં • 9. Bhikkhunīsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૯. ભિક્ખુનીસુત્તવણ્ણના • 9. Bhikkhunīsuttavaṇṇanā
