| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៣. ភេសជ្ជសិក្ខាបទវណ្ណនា
3. Bhesajjasikkhāpadavaṇṇanā
‘‘បដិសាយនីយានិ បដិគ្គហេត្វា’’តិ វទន្តេន បាទមក្ខនាទីនំ អត្ថាយ បដិគ្គហេត្វា ឋបេតុំ វដ្ដតីតិ ទីបិតន្តិ លិខិតំ។ ‘‘យេសំ មំសំ កប្បតី’’តិ វចនេន យេសំ មំសំ ន កប្បតិ, តេសំ សប្បិអាទិ ន កប្បតីតិ វទន្តា អជានិត្វា វទន្តិ។ យេសញ្ហិ មំសំ កប្បតិ, តេសំ សប្បីតិអាទិ សត្តាហកាលិកនិស្សគ្គិយវត្ថុបរិច្ឆេទទស្សនត្ថំ វុត្តំ។ តថា បណីតភោជនសិក្ខាបទេ យេសំ មំសំ កប្បតិ, តេសំយេវ ខីរាទិ បណីតភោជនំ, នេតរន្តិ ទស្សេតុំ វុត្តន្តិ។ មធុ នាម មធុករិភមរមក្ខិកានំ អាសយេសុ និយ្យាសសទិសំ មហាមធុ ហោតិ, តំ យាវជីវិកន្តិ ច លិខិតំ។
‘‘Paṭisāyanīyāni paṭiggahetvā’’ti vadantena pādamakkhanādīnaṃ atthāya paṭiggahetvā ṭhapetuṃ vaṭṭatīti dīpitanti likhitaṃ. ‘‘Yesaṃ maṃsaṃ kappatī’’ti vacanena yesaṃ maṃsaṃ na kappati, tesaṃ sappiādi na kappatīti vadantā ajānitvā vadanti. Yesañhi maṃsaṃ kappati, tesaṃ sappītiādi sattāhakālikanissaggiyavatthuparicchedadassanatthaṃ vuttaṃ. Tathā paṇītabhojanasikkhāpade yesaṃ maṃsaṃ kappati, tesaṃyeva khīrādi paṇītabhojanaṃ, netaranti dassetuṃ vuttanti. Madhu nāma madhukaribhamaramakkhikānaṃ āsayesu niyyāsasadisaṃ mahāmadhu hoti, taṃ yāvajīvikanti ca likhitaṃ.
ភេសជ្ជសិក្ខាបទវណ្ណនា និដ្ឋិតា។
Bhesajjasikkhāpadavaṇṇanā niṭṭhitā.
បត្តវគ្គោ តតិយោ។
Pattavaggo tatiyo.
និស្សគ្គិយបាចិត្តិយវណ្ណនា និដ្ឋិតា។
Nissaggiyapācittiyavaṇṇanā niṭṭhitā.
