| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੬. ਭੇਸਜ੍ਜਨਿਦ੍ਦੇਸવਣ੍ਣਨਾ
36. Bhesajjaniddesavaṇṇanā
੨੭੪-੫. ਜਨਸ੍ਸ ਭੇਸਜ੍ਜਂ ਕਾਤੁਂ ਦਾਤੁਂ વਤ੍ਤੁਞ੍ਚ ਨ ਲਬ੍ਭਤੀਤਿ ਸਮ੍ਬਨ੍ਧਿਯਂ। ਲਬ੍ਭਤੀਤਿ ਏਤ੍ਥ ‘‘ਭਿਕ੍ਖੁਨਾ’’ਤਿ ਕਤ੍ਤਾ ‘‘ਭੇਸਜ੍ਜ’’ਨ੍ਤਿ વੁਤ੍ਤਕਮ੍ਮਂ। ਨਨੁ ਚ ਕਾਤੁਨ੍ਤਿ ਭਾવਸਾਧਨਤ੍ਤਾ ਤਸ੍ਸ ਅવੁਤ੍ਤਕਮ੍ਮੇਨਾਪਿ ਭવਿਤਬ੍ਬਂ ਭਾવੇ વਿਹਿਤਕਿਤਕਪ੍ਪਚ੍ਚਯਾਨਂ ਪਯੋਗੇ ਕਮ੍ਮਕਾਰਕਸ੍ਸਾਪਿ ਇਚ੍ਛਿਤਬ੍ਬਤ੍ਤਾਤਿ? ਸਚ੍ਚਂ, ਤਥਾਪਿ ਪਧਾਨਭੂਤਕਮ੍ਮਸਤ੍ਤਿਯਾ ਅਭਿਧਾਨੇ ਸਤਿ ਅਪ੍ਪਧਾਨਕਿਤਕਕਿਰਿਯਾਭਿਸਮ੍ਬਨ੍ਧੇਨ ਗੁਣੀਭੂਤਾ ਕਮ੍ਮਸਤ੍ਤਿ ਅਭਿਹਿਤਾ વਿਯ વਿਞ੍ਞਾਯਤਿ। ਤਥਾ ਚ વੁਤ੍ਤਂ ਅਮ੍ਹੇਹਿ ਯੋਗવਿਨਿਚ੍ਛਯੇ ‘‘ਪਧਾਨਾਨੁਯਾਯਿਤਾਯ ਜਨવੋਹਾਰਾਯ ਪਧਾਨਸਤ੍ਯਾਭਿਧਾਨੇ ਗੁਣਸਤ੍ਤਿ ਅਭਿਹਿਤਾ વਿਯ ਪਕਾਸਤੀ’’ਤਿ। ਜਨਸ੍ਸਾਤਿ ਆਗਤਾਗਤਜਨਸ੍ਸ। ਸਹਧਮ੍ਮੀਨਞ੍ਚ ਪਿਤੂਨਞ੍ਚ ਤਦੁਪਟ੍ਠਾਕਭਿਕ੍ਖੁਨਿਸ੍ਸਿਤਭਣ੍ਡੂਨਞ੍ਚ વੇਯ੍ਯਾવਚ੍ਚਕਰਸ੍ਸ ਚ ਭਿਕ੍ਖਾਚਰਿਯવਿਞ੍ਞਤ੍ਤਿਸਕੇਹਿ ਭੇਸਜ੍ਜਕਰਣਂ ਲਬ੍ਭਨ੍ਤਿ ਸਮ੍ਬਨ੍ਧੋ । ਤਤ੍ਥ ਸਹਧਮ੍ਮਿਨਨ੍ਤਿ ਸਹ ਚਰਿਤਬ੍ਬੋ ਧਮ੍ਮੋ ਸੀਲਸਦ੍ਧਾਪਞ੍ਞਾਸਙ੍ਖਾਤੋ ਸਹਧਮ੍ਮੋ, ਸੋ ਏਤੇਸਮਤ੍ਥੀਤਿ ਸਹਧਮ੍ਮਿਨੋ, ਭਿਕ੍ਖੁ ਭਿਕ੍ਖੁਨੀ ਸਿਕ੍ਖਮਾਨਾ ਸਾਮਣੇਰੋ ਸਾਮਣੇਰੀਤਿ ਪਞ੍ਚ, ਤੇਸਂ। ਪਿਤਾ ਚ ਮਾਤਾ ਚ ਪਿਤਰੋ ਏਕਸੇਸਨਯੇਨ, ਉਭਿਨ੍ਨਂ ਸਾਮਞ੍ਞਨਿਦ੍ਦੇਸੋ વਾ, ਤੇਸਂ। ਭਿਕ੍ਖੁਨਿਸ੍ਸਿਤੋ ਨਾਮ ਯੋ વਿਹਾਰੇ ਸਬ੍ਬਕਮ੍ਮਾਨਿ ਕਰੋਨ੍ਤੋ ਭਿਕ੍ਖੁਂ ਨਿਸ੍ਸਾਯ વਸਤਿ। ਭਣ੍ਡੁ ਨਾਮ ਯੋ ਪਬ੍ਬਜ੍ਜਾਪੇਕ੍ਖੋ ਯਾવ ਪਤ੍ਤਚੀવਰਂ ਪਟਿਯਾਦਿਯਤਿ, ਤਾવ વਿਹਾਰੇ વਸਤਿ, ਸੋ ਪਣ੍ਡੁਪਲਾਸੋ। વੇਯ੍ਯਾવਚ੍ਚਕਰਸ੍ਸਾਤਿ ਅਤ੍ਤਨੋ ਉਪਟ੍ਠਾਕਸ੍ਸ। ਏਤੇਸੁ ਪਨ ਮਾਤਾਪਿਤਰੋ ਸਚੇ ਰਜ੍ਜੇਪਿ ਠਿਤਾ ਪਚ੍ਚਾਸੀਸਨ੍ਤਿ, ਅਕਾਤੁਂ ਨ વਟ੍ਟਤਿ। ਮਾਤਰਂ ਅਨਾਮਸਨ੍ਤੇਨ ਸਬ੍ਬਂ ਪਰਿਕਮ੍ਮਂ ਕਾਤਬ੍ਬਂ। ਪਿਤਾ ਪਨ ਸਹਤ੍ਥੇਨ ਨਹਾਪਨਸਮ੍ਬਾਹਨਾਦੀਨਿ ਕਤ੍વਾ ਉਪਟ੍ਠਾਤਬ੍ਬੋ।
274-5. Janassa bhesajjaṃ kātuṃ dātuṃ vattuñca na labbhatīti sambandhiyaṃ. Labbhatīti ettha ‘‘bhikkhunā’’ti kattā ‘‘bhesajja’’nti vuttakammaṃ. Nanu ca kātunti bhāvasādhanattā tassa avuttakammenāpi bhavitabbaṃ bhāve vihitakitakappaccayānaṃ payoge kammakārakassāpi icchitabbattāti? Saccaṃ, tathāpi padhānabhūtakammasattiyā abhidhāne sati appadhānakitakakiriyābhisambandhena guṇībhūtā kammasatti abhihitā viya viññāyati. Tathā ca vuttaṃ amhehi yogavinicchaye ‘‘padhānānuyāyitāya janavohārāya padhānasatyābhidhāne guṇasatti abhihitā viya pakāsatī’’ti. Janassāti āgatāgatajanassa. Sahadhammīnañca pitūnañca tadupaṭṭhākabhikkhunissitabhaṇḍūnañca veyyāvaccakarassa ca bhikkhācariyaviññattisakehi bhesajjakaraṇaṃ labbhanti sambandho . Tattha sahadhamminanti saha caritabbo dhammo sīlasaddhāpaññāsaṅkhāto sahadhammo, so etesamatthīti sahadhammino, bhikkhu bhikkhunī sikkhamānā sāmaṇero sāmaṇerīti pañca, tesaṃ. Pitā ca mātā ca pitaro ekasesanayena, ubhinnaṃ sāmaññaniddeso vā, tesaṃ. Bhikkhunissito nāma yo vihāre sabbakammāni karonto bhikkhuṃ nissāya vasati. Bhaṇḍu nāma yo pabbajjāpekkho yāva pattacīvaraṃ paṭiyādiyati, tāva vihāre vasati, so paṇḍupalāso. Veyyāvaccakarassāti attano upaṭṭhākassa. Etesu pana mātāpitaro sace rajjepi ṭhitā paccāsīsanti, akātuṃ na vaṭṭati. Mātaraṃ anāmasantena sabbaṃ parikammaṃ kātabbaṃ. Pitā pana sahatthena nahāpanasambāhanādīni katvā upaṭṭhātabbo.
੨੭੬. ਪਿਤਾ ਚ ਮਾਤਾ ਚ ਭਾਤਾ ਚ ਭਗਿਨੀ ਚਾਤਿ ਦ੍વਨ੍ਦੋ ਪਿਤਾ…ਪੇ॰… ਭਗਿਨਿਯੋ। ਮਹਨ੍ਤੋ ਚ ਚੂਲ਼ੋ ਚ, ਮਹਾਚੂਲ਼ਾ ਚ ਤੇ ਪਿਤਾ…ਪੇ॰… ਭਗਿਨਿਯੋ ਚਾਤਿ ਕਮ੍ਮਧਾਰਯੋ। ਤਾ ਆਦਿ ਯੇਸਨ੍ਤੇਤਿ ਅਞ੍ਞਪਦਤ੍ਥੋ। ਮਹਾਚੂਲ਼-ਸਦ੍ਦਾ ਪਿਤਾਦਿ-ਸਦ੍ਦੇਹਿ ਪਚ੍ਚੇਕਂ ਯੋਜੇਤਬ੍ਬਾ ‘‘ਮਹਾਪਿਤੁਨੋ ਚੂਲ਼ਪਿਤੁਨੋ’’ਤਿਆਦਿਨਾ। ਆਦਿ-ਸਦ੍ਦੇਨ ਪਨੇਤ੍ਥ ਪਿਤੁਚ੍ਛਾ ਮਾਤੁਲੋ, ਤੇਸਂ ਦਸਨ੍ਨਮ੍ਪਿ ਯਾવ ਸਤ੍ਤਮਾ ਕੁਲਪਰਿવਟ੍ਟਾ ਪੁਤ੍ਤਪਰਮ੍ਪਰਞ੍ਚ ਸਙ੍ਗਣ੍ਹਾਤਿ। ਤੇਸਂ ਸਕੇ ਭੇਸਜ੍ਜਕਰਣਂ ਲਬ੍ਭਨ੍ਤਿ ਯੋਜਨਾ। ਤੇਸਂ ਮਹਾਪਿਤਾਦੀਨਂ ਸਨ੍ਤਕੇ ਸਤਿ ਤੇਨ ਭੇਸਜ੍ਜਕਰਣਂ ਲਬ੍ਭਤੀਤਿ ਅਤ੍ਥੋ। ਨਾਤਿ ਨਤ੍ਥਿ ਚੇ। ਅਤ੍ਤਨਿਯੇਤਿ ਭਿਕ੍ਖੁਨੋ ਅਤ੍ਤਨੋ ਸਨ੍ਤਕੇ ਸਤੀਤਿ ਅਤ੍ਥੋ। ਦਾਤਬ੍ਬਂ ਤਾવਕਾਲਿਕਨ੍ਤਿ ਤਾવਕਾਲਿਕਂ ਕਤ੍વਾ ਦਾਤਬ੍ਬਨ੍ਤਿ ਅਤ੍ਥੋ। ਤੇ ਪਨ ਸਚੇ ਪਟਿਦੇਨ੍ਤਿ, ਗਹੇਤਬ੍ਬਂ, ਨੋ ਚੇ ਦੇਨ੍ਤਿ, ਨ ਚੋਦੇਤਬ੍ਬਾ। ਯਾવ ਤਸ੍ਸ ਦਾਨਂ, ਤਾવ ਕਾਲੋ ਅਸ੍ਸਾਤਿ ਤਾવਕਾਲਿਕਂ। ਣਿਕੋ ਸਮਾਸਨ੍ਤੇ।
276. Pitā ca mātā ca bhātā ca bhaginī cāti dvando pitā…pe… bhaginiyo. Mahanto ca cūḷo ca, mahācūḷā ca te pitā…pe… bhaginiyo cāti kammadhārayo. Tā ādi yesanteti aññapadattho. Mahācūḷa-saddā pitādi-saddehi paccekaṃ yojetabbā ‘‘mahāpituno cūḷapituno’’tiādinā. Ādi-saddena panettha pitucchā mātulo, tesaṃ dasannampi yāva sattamā kulaparivaṭṭā puttaparamparañca saṅgaṇhāti. Tesaṃ sake bhesajjakaraṇaṃ labbhanti yojanā. Tesaṃ mahāpitādīnaṃ santake sati tena bhesajjakaraṇaṃ labbhatīti attho. Nāti natthi ce. Attaniyeti bhikkhuno attano santake satīti attho. Dātabbaṃ tāvakālikanti tāvakālikaṃ katvā dātabbanti attho. Te pana sace paṭidenti, gahetabbaṃ, no ce denti, na codetabbā. Yāva tassa dānaṃ, tāva kālo assāti tāvakālikaṃ. Ṇiko samāsante.
੨੭੭. ਭੇਸਜ੍ਜਕਰਣਾਦੀਤਿ ਆਦਿ-ਸਦ੍ਦੇਨ ਅਨਾਮਟ੍ਠਪਿਣ੍ਡਦਾਨਾਦੀਨਂ ਗਹਣਂ, ਹਿ-ਸਦ੍ਦੋ ਹੇਤੁਮ੍ਹਿ, ਹਿ ਯਸ੍ਮਾ ਏਤੇਸੁ ਕੁਲਦੂਸਨਾਦਯੋ ਨ ਰੁਹਨ੍ਤਿ, ਤਸ੍ਮਾ ਤੇਸਂ ਭੇਸਜ੍ਜਕਰਣਂ ਲਬ੍ਭਂ, ਅਤ੍ਤਨਿਯੇ ਚ ਸਤਿ ਦਾਤਬ੍ਬਨ੍ਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਨ ਰੂਹਤੀਤਿ ਨ ਰੋਹਤਿ ਨਪ੍ਪવਤ੍ਤਤਿ ਨ ਹੋਤਿ, ਆਪਤ੍ਤਿਂ ਨ ਜਨੇਤੀਤਿ ਅਧਿਪ੍ਪਾਯੋ। ਤੇਸਂ ਅਤ੍ਥਾਯ ਞਾਤਿਸਾਮਣੇਰੇਹਿ વਾ ਭੇਸਜ੍ਜਂ ਆਹਰਾਪੇਤਬ੍ਬਂ, ਅਤ੍ਤਨੋ ਅਤ੍ਥਾਯ વਾ ਆਹਰਾਪੇਤ੍વਾ ਦਾਤਬ੍ਬਂ। ਤੇਹਿਪਿ ‘‘ਉਪਜ੍ਝਾਯਾਦੀਨਂ ਆਹਰਿਸ੍ਸਾਮਾ’’ਤਿ વਤ੍ਤਸੀਸੇਨ ਆਹਰਿਤਬ੍ਬਂ। ਸਚੇ ਅਞ੍ਞੇਪਿ ਯੇ ਗਿਲਾਨਾ ਹੁਤ੍વਾ વਿਹਾਰਂ ਪવਿਸਨ੍ਤਿ, ਤੇਸਂ ਸਬ੍ਬੇਸਮ੍ਪਿ ਅਪਚ੍ਚਾਸੀਸਨ੍ਤੇਨ ਭੇਸਜ੍ਜਂ ਕਾਤਬ੍ਬਂ। ਸਦ੍ਧਂ ਕੁਲਂ ਹੋਤਿ ਭਿਕ੍ਖੁਸਙ੍ਘਸ੍ਸ ਮਾਤਾਪਿਤੁਟ੍ਠਾਨੀਯਂ, ਤਤ੍ਰ ਚੇ ਕੋਚਿ ਗਿਲਾਨੋ ਹੋਤਿ, ਤਸ੍ਸਤ੍ਥਾਯ ‘‘ਭਨ੍ਤੇ, ਇਤ੍ਥਨ੍ਨਾਮਸ੍ਸ ਰੋਗਸ੍ਸ ਕਿਂ ਭੇਸਜ੍ਜਂ ਕਰੋਨ੍ਤੀ’’ਤਿ ਕਪ੍ਪਿਯਂ ਕਤ੍વਾ ਪੁਚ੍ਛਨ੍ਤਿ, ਇਦਞ੍ਚਿਦਞ੍ਚ ਗਹੇਤ੍વਾ ਕਰੋਨ੍ਤੀਤਿ વਟ੍ਟਤਿ, ਭਿਕ੍ਖੂਹਿ ਅਞ੍ਞਮਞ੍ਞਂ વਾ ਕਥਾ ਕਾਤਬ੍ਬਾ।
277.Bhesajjakaraṇādīti ādi-saddena anāmaṭṭhapiṇḍadānādīnaṃ gahaṇaṃ, hi-saddo hetumhi, hi yasmā etesu kuladūsanādayo na ruhanti, tasmā tesaṃ bhesajjakaraṇaṃ labbhaṃ, attaniye ca sati dātabbanti evamettha attho daṭṭhabbo. Na rūhatīti na rohati nappavattati na hoti, āpattiṃ na janetīti adhippāyo. Tesaṃ atthāya ñātisāmaṇerehi vā bhesajjaṃ āharāpetabbaṃ, attano atthāya vā āharāpetvā dātabbaṃ. Tehipi ‘‘upajjhāyādīnaṃ āharissāmā’’ti vattasīsena āharitabbaṃ. Sace aññepi ye gilānā hutvā vihāraṃ pavisanti, tesaṃ sabbesampi apaccāsīsantena bhesajjaṃ kātabbaṃ. Saddhaṃ kulaṃ hoti bhikkhusaṅghassa mātāpituṭṭhānīyaṃ, tatra ce koci gilāno hoti, tassatthāya ‘‘bhante, itthannāmassa rogassa kiṃ bhesajjaṃ karontī’’ti kappiyaṃ katvā pucchanti, idañcidañca gahetvā karontīti vaṭṭati, bhikkhūhi aññamaññaṃ vā kathā kātabbā.
੨੭੮. ਛਨ੍ਨਂ ਮਾਤਾਦੀਨਞ੍ਚ ਦਾਮਰਿਕਚੋਰਸ੍ਸ ਇਸ੍ਸਰਿਯਸ੍ਸ ਅਨਾਮਟ੍ਠੋ ਪਿਣ੍ਡਪਾਤੋ ਦਾਤੁਂ ਅવਾਰਿਤੋਤਿ ਯੋਜੇਤਬ੍ਬਂ। ਛਨ੍ਨਨ੍ਤਿ ਮਾਤਾਦੀਨਂ ਛਨ੍ਨਂ ਮਜ੍ਝੇ। ਮਾਤਾਦੀਨਨ੍ਤਿ ਭਿਕ੍ਖੁਨਿਸ੍ਸਿਤਂ ਠਪੇਤ੍વਾ ਅવਸੇਸਾਨਂ ਪਞ੍ਚਨ੍ਨਂ ਮਾਤਾਦੀਨਂ। ‘‘ਛਨ੍ਨ’’ਨ੍ਤਿ ਪਨ ਯੋਜਨਾਯ ਅਟ੍ਠਕਥਾਯ વਿਰੁਜ੍ਝਤਿ। ਤਤ੍ਥ ਹਿ ‘‘ਮਾਤਾਪਿਤੂਨ’’ਨ੍ਤਿਆਦਿਨਾ ਭਿਕ੍ਖੁਨਿਸ੍ਸਿਤਂ ਓਹਾਯ ਸਤ੍ਤੇવ વੁਤ੍ਤਾ। ਆਚਰਿਯਬੁਦ੍ਧਦਤ੍ਤਤ੍ਥੇਰੇਨ ਚ ਤਥੇવ વੁਤ੍ਤਂ –
278. Channaṃ mātādīnañca dāmarikacorassa issariyassa anāmaṭṭho piṇḍapāto dātuṃ avāritoti yojetabbaṃ. Channanti mātādīnaṃ channaṃ majjhe. Mātādīnanti bhikkhunissitaṃ ṭhapetvā avasesānaṃ pañcannaṃ mātādīnaṃ. ‘‘Channa’’nti pana yojanāya aṭṭhakathāya virujjhati. Tattha hi ‘‘mātāpitūna’’ntiādinā bhikkhunissitaṃ ohāya satteva vuttā. Ācariyabuddhadattattherena ca tatheva vuttaṃ –
‘‘ਅਨਾਮਟ੍ਠੋਪਿ ਦਾਤਬ੍ਬੋ, ਪਿਣ੍ਡਪਾਤੋ વਿਜਾਨਤਾ।
‘‘Anāmaṭṭhopi dātabbo, piṇḍapāto vijānatā;
ਦ੍વਿਨ੍ਨਂ ਮਾਤਾਪਿਤੂਨਮ੍ਪਿ, ਤਦੁਪਟ੍ਠਾਯਕਸ੍ਸ ਚ॥
Dvinnaṃ mātāpitūnampi, tadupaṭṭhāyakassa ca.
‘‘ਇਸ੍ਸਰਸ੍ਸਾਪਿ ਦਾਤਬ੍ਬੋ, ਚੋਰਦਾਮਰਿਕਸ੍ਸ ਚ।
‘‘Issarassāpi dātabbo, coradāmarikassa ca;
ਭਣ੍ਡੁਕਸ੍ਸਤ੍ਤਨੋ ਚੇવ, વੇਯ੍ਯਾવਚ੍ਚਕਰਸ੍ਸਪੀ’’ਤਿ॥ (વਿਨਯ વਿ॰ ੪੯੩-੪੯੫)।
Bhaṇḍukassattano ceva, veyyāvaccakarassapī’’ti. (vinaya vi. 493-495);
ਦਾਮਰਿਕਚੋਰਸ੍ਸਾਤਿ ਰਜ੍ਜਂ ਪਤ੍ਥਯਮਾਨਸ੍ਸ ਪਾਕਟਚੋਰਸ੍ਸ। ਅਨਾਮਟ੍ਠੋਤਿ ਅਪਬ੍ਬਜਿਤਸ੍ਸ ਹਤ੍ਥਤੋ ਲਦ੍ਧਾ ਅਤ੍ਤਨਾ ਅਞ੍ਞੇਨ વਾ ਪਬ੍ਬਜਿਤੇਨ ਅਗ੍ਗਹਿਤਅਗ੍ਗੋ, ਅਯਂ ਅਨਾਮਟ੍ਠਪਿਣ੍ਡਪਾਤੋ। ਪਟਿਸਨ੍ਥਾਰੋ ‘‘વਿਹਾਰਪ੍ਪਤ੍ਤਂ ਆਗਨ੍ਤੁਕਂ વਾ ਦਲਿਦ੍ਦਾਦਿਂ વਾ ਦਿਸ੍વਾ ‘ਪਾਨੀਯਂ ਪਿવਾ’ਤਿ ਦਾਤਬ੍ਬਂ, ਪਾਦਮਕ੍ਖਨਤੇਲਂ ਦਾਤਬ੍ਬਂ, ਕਾਲੇ ਆਗਤਸ੍ਸ ਯਾਗੁਭਤ੍ਤਂ, વਿਕਾਲੇ ਆਗਤਸ੍ਸ ਸਚੇ ਤਣ੍ਡੁਲਾ ਅਤ੍ਥਿ, ਤਣ੍ਡੁਲਾ ਦਾਤਬ੍ਬਾ, ਸਯਨਟ੍ਠਾਨਂ ਦਾਤਬ੍ਬਂ, ਚੋਰਾਨਂ ਪਨ ਸਙ੍ਘਿਕਮ੍ਪਿਦਾਤਬ੍ਬ’’ਨ੍ਤਿ વੁਤ੍ਤੋ। ਅવਸੇਸਪਟਿਸਨ੍ਥਾਰੋ ਪਨ ਅਪਚ੍ਚਾਸੀਸਨ੍ਤੇਨ ਕਾਤਬ੍ਬੋ। ਤਥਾ ਧਮ੍ਮਪਟਿਸਨ੍ਥਾਰੋਪਿ ਯਸ੍ਸ ਕਸ੍ਸਚਿ ਦਾਤਬ੍ਬੋવ।
Dāmarikacorassāti rajjaṃ patthayamānassa pākaṭacorassa. Anāmaṭṭhoti apabbajitassa hatthato laddhā attanā aññena vā pabbajitena aggahitaaggo, ayaṃ anāmaṭṭhapiṇḍapāto. Paṭisanthāro ‘‘vihārappattaṃ āgantukaṃ vā daliddādiṃ vā disvā ‘pānīyaṃ pivā’ti dātabbaṃ, pādamakkhanatelaṃ dātabbaṃ, kāle āgatassa yāgubhattaṃ, vikāle āgatassa sace taṇḍulā atthi, taṇḍulā dātabbā, sayanaṭṭhānaṃ dātabbaṃ, corānaṃ pana saṅghikampidātabba’’nti vutto. Avasesapaṭisanthāro pana apaccāsīsantena kātabbo. Tathā dhammapaṭisanthāropi yassa kassaci dātabbova.
੨੭੯. ਤੇਸਨ੍ਤਿ ਅਞ੍ਞਾਤਕਾਦੀਨਂ ਗਿਹੀਨਂ। ਕਯਿਰਾਤਿ ‘‘ਭਣਥਾ’’ਤਿ વੁਤ੍ਤੇ ਕਰੇਯ੍ਯ। ‘‘ਨ ਕਰੋਮਾ’’ਤਿ વੁਤ੍ਤੇ ਸਚੇ વਿਪ੍ਪਟਿਸਾਰਿਨੋ ਭવਿਸ੍ਸਨ੍ਤਿ, ਕਾਤਬ੍ਬਂ। ਨਤ੍ਤਨੋਤਿ ਅਤ੍ਤਨੋ ਸੁਤ੍ਤੋਦਕੇਹਿ ਨ ਕਯਿਰਾਤਿ ਯੋਜਨੀਯਂ। ਏવਂ ਸਾਮਞ੍ਞੇਨ ਪਰਿਤ੍ਤੇ ਪਟਿਪਜ੍ਜਨવਿਧਿਂ ਦਸ੍ਸੇਤ੍વਾ ਇਦਾਨਿ ਆਟਾਨਾਟਿਯਪਰਿਤ੍ਤੇ ਪਟਿਪਜ੍ਜਿਤਬ੍ਬવਿਧਿਂ ਦਸ੍ਸੇਤੁਂ ‘‘ਭਣਿਤਬ੍ਬ’’ਨ੍ਤਿਆਦਿਮਾਹ। ਭਣਾਪੇਨ੍ਤੇਤਿ ‘‘ਭਣਥਾ’’ਤਿ ਅਜ੍ਝੇਸਨਪੁਬ੍ਬਕਂ ਪਯੋਜੇਨ੍ਤੇ। ਪਰਿਤ੍ਤਂ ਸਾਸਨੋਗਧਨ੍ਤਿ ਪਠਮਮੇવ ਆਟਾਨਾਟਿਯਸੁਤ੍ਤਂ ਅਭਣਿਤ੍વਾ ਸਾਸਨਪਰਿਯਾਪਨ੍ਨਂ ਮੇਤ੍ਤਸੁਤ੍ਤਂ ਧਜਗ੍ਗਸੁਤ੍ਤਂ ਰਤਨਸੁਤ੍ਤਨ੍ਤਿ ਇਮਾਨਿ ਸੁਤ੍ਤਾਨਿ ਸਤ੍ਤਾਹਂ ਭਣਿਤ੍વਾ ਯਥਾਪਰਿਕਮ੍ਮਂ ਪਰਿਤ੍ਤਂ ਆਟਾਨਾਟਿਯਪਰਿਤ੍ਤਂ ਭਣਿਤਬ੍ਬਨ੍ਤਿ ਯੋਜਨਾ।
279.Tesanti aññātakādīnaṃ gihīnaṃ. Kayirāti ‘‘bhaṇathā’’ti vutte kareyya. ‘‘Na karomā’’ti vutte sace vippaṭisārino bhavissanti, kātabbaṃ. Nattanoti attano suttodakehi na kayirāti yojanīyaṃ. Evaṃ sāmaññena paritte paṭipajjanavidhiṃ dassetvā idāni āṭānāṭiyaparitte paṭipajjitabbavidhiṃ dassetuṃ ‘‘bhaṇitabba’’ntiādimāha. Bhaṇāpenteti ‘‘bhaṇathā’’ti ajjhesanapubbakaṃ payojente. Parittaṃ sāsanogadhanti paṭhamameva āṭānāṭiyasuttaṃ abhaṇitvā sāsanapariyāpannaṃ mettasuttaṃ dhajaggasuttaṃ ratanasuttanti imāni suttāni sattāhaṃ bhaṇitvā yathāparikammaṃ parittaṃ āṭānāṭiyaparittaṃ bhaṇitabbanti yojanā.
੨੮੦. ‘‘ਆਗਨ੍ਤ੍વਾ ਸੀਲਂ ਦੇਤੁ, ਧਮ੍ਮਂ ਪਰਿਤ੍ਤਞ੍ਚ ਭਾਸਤੂ’’ਤਿ ਕੇਨਚਿ ਪੇਸਿਤੋ ਗਨ੍ਤ੍વਾ ਸੀਲਂ વਾ ਦਾਤੁਂ ਧਮ੍ਮਂ ਪਰਿਤ੍ਤਂ વਾ વਤ੍ਤੁਂ ਲਬ੍ਭਤੀਤਿ ਸਮ੍ਬਨ੍ਧੋ।
280. ‘‘Āgantvā sīlaṃ detu, dhammaṃ parittañca bhāsatū’’ti kenaci pesito gantvā sīlaṃ vā dātuṃ dhammaṃ parittaṃ vā vattuṃ labbhatīti sambandho.
ਭੇਸਜ੍ਜਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Bhesajjaniddesavaṇṇanā niṭṭhitā.
