| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਭਯਸੁਤ੍ਤਂ
6. Bhayasuttaṃ
੫੬. ‘‘‘ਭਯ’ਨ੍ਤਿ 1, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਦੁਕ੍ਖ’ਨ੍ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਰੋਗੋ’ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਗਣ੍ਡੋ’ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਸਲ੍ਲ’ਨ੍ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਸਙ੍ਗੋ’ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ‘ਪਙ੍ਕੋ’ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ । ‘ਗਬ੍ਭੋ’ਤਿ, ਭਿਕ੍ਖવੇ, ਕਾਮਾਨਮੇਤਂ ਅਧਿવਚਨਂ। ਕਸ੍ਮਾ ਚ, ਭਿਕ੍ਖવੇ, ‘ਭਯ’ਨ੍ਤਿ ਕਾਮਾਨਮੇਤਂ ਅਧਿવਚਨਂ? ਯਸ੍ਮਾ ਚ ਕਾਮਰਾਗਰਤ੍ਤਾਯਂ, ਭਿਕ੍ਖવੇ, ਛਨ੍ਦਰਾਗવਿਨਿਬਦ੍ਧੋ ਦਿਟ੍ਠਧਮ੍ਮਿਕਾਪਿ ਭਯਾ ਨ ਪਰਿਮੁਚ੍ਚਤਿ, ਸਮ੍ਪਰਾਯਿਕਾਪਿ ਭਯਾ ਨ ਪਰਿਮੁਚ੍ਚਤਿ, ਤਸ੍ਮਾ ‘ਭਯ’ਨ੍ਤਿ ਕਾਮਾਨਮੇਤਂ ਅਧਿવਚਨਂ। ਕਸ੍ਮਾ ਚ, ਭਿਕ੍ਖવੇ, ‘ਦੁਕ੍ਖ’ਨ੍ਤਿ…ਪੇ॰… ‘ਰੋਗੋ’ਤਿ… ‘ਗਣ੍ਡੋ’ਤਿ… ‘ਸਲ੍ਲ’ਨ੍ਤਿ… ‘ਸਙ੍ਗੋ’ਤਿ… ‘ਪਙ੍ਕੋ’ਤਿ… ‘ਗਬ੍ਭੋ’ਤਿ ਕਾਮਾਨਮੇਤਂ ਅਧਿવਚਨਂ? ਯਸ੍ਮਾ ਚ ਕਾਮਰਾਗਰਤ੍ਤਾਯਂ, ਭਿਕ੍ਖવੇ, ਛਨ੍ਦਰਾਗવਿਨਿਬਦ੍ਧੋ ਦਿਟ੍ਠਧਮ੍ਮਿਕਾਪਿ ਗਬ੍ਭਾ ਨ ਪਰਿਮੁਚ੍ਚਤਿ, ਸਮ੍ਪਰਾਯਿਕਾਪਿ ਗਬ੍ਭਾ ਨ ਪਰਿਮੁਚ੍ਚਤਿ, ਤਸ੍ਮਾ ‘ਗਬ੍ਭੋ’ਤਿ ਕਾਮਾਨਮੇਤਂ ਅਧਿવਚਨਂ’’।
56. ‘‘‘Bhaya’nti 2, bhikkhave, kāmānametaṃ adhivacanaṃ. ‘Dukkha’nti, bhikkhave, kāmānametaṃ adhivacanaṃ. ‘Rogo’ti, bhikkhave, kāmānametaṃ adhivacanaṃ. ‘Gaṇḍo’ti, bhikkhave, kāmānametaṃ adhivacanaṃ. ‘Salla’nti, bhikkhave, kāmānametaṃ adhivacanaṃ. ‘Saṅgo’ti, bhikkhave, kāmānametaṃ adhivacanaṃ. ‘Paṅko’ti, bhikkhave, kāmānametaṃ adhivacanaṃ . ‘Gabbho’ti, bhikkhave, kāmānametaṃ adhivacanaṃ. Kasmā ca, bhikkhave, ‘bhaya’nti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati, tasmā ‘bhaya’nti kāmānametaṃ adhivacanaṃ. Kasmā ca, bhikkhave, ‘dukkha’nti…pe… ‘rogo’ti… ‘gaṇḍo’ti… ‘salla’nti… ‘saṅgo’ti… ‘paṅko’ti… ‘gabbho’ti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi gabbhā na parimuccati, samparāyikāpi gabbhā na parimuccati, tasmā ‘gabbho’ti kāmānametaṃ adhivacanaṃ’’.
‘‘ਭਯਂ ਦੁਕ੍ਖਞ੍ਚ ਰੋਗੋ ਚ, ਗਣ੍ਡੋ ਸਲ੍ਲਞ੍ਚ ਸਙ੍ਗੋ ਚ।
‘‘Bhayaṃ dukkhañca rogo ca, gaṇḍo sallañca saṅgo ca;
ਪਙ੍ਕੋ ਗਬ੍ਭੋ ਚ ਉਭਯਂ, ਏਤੇ ਕਾਮਾ ਪવੁਚ੍ਚਨ੍ਤਿ।
Paṅko gabbho ca ubhayaṃ, ete kāmā pavuccanti;
ਯਤ੍ਥ ਸਤ੍ਤੋ ਪੁਥੁਜ੍ਜਨੋ॥
Yattha satto puthujjano.
‘‘ਓਤਿਣ੍ਣੋ ਸਾਤਰੂਪੇਨ, ਪੁਨ ਗਬ੍ਭਾਯ ਗਚ੍ਛਤਿ।
‘‘Otiṇṇo sātarūpena, puna gabbhāya gacchati;
‘‘ਸੋ ਇਮਂ ਪਲਿਪਥਂ ਦੁਗ੍ਗਂ, ਅਤਿਕ੍ਕਮ੍ਮ ਤਥਾવਿਧੋ।
‘‘So imaṃ palipathaṃ duggaṃ, atikkamma tathāvidho;
ਪਜਂ ਜਾਤਿਜਰੂਪੇਤਂ, ਫਨ੍ਦਮਾਨਂ ਅવੇਕ੍ਖਤੀ’’ਤਿ॥ ਛਟ੍ਠਂ।
Pajaṃ jātijarūpetaṃ, phandamānaṃ avekkhatī’’ti. chaṭṭhaṃ;
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਭਯਸੁਤ੍ਤવਣ੍ਣਨਾ • 6. Bhayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬-੮. ਭਯਸੁਤ੍ਤਾਦਿવਣ੍ਣਨਾ • 6-8. Bhayasuttādivaṇṇanā
