| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൩. ഭവനേത്തിസുത്തം
3. Bhavanettisuttaṃ
൧൬൨. സാവത്ഥിനിദാനം. ഏകമന്തം നിസിന്നോ ഖോ ആയസ്മാ രാധോ ഭഗവന്തം ഏതദവോച – ‘‘‘ഭവനേത്തിനിരോധോ 1, ഭവനേത്തിനിരോധോ’തി 2, ഭന്തേ, വുച്ചതി. കതമാ നു ഖോ, ഭന്തേ, ഭവനേത്തി, കതമോ ഭവനേത്തിനിരോധോ’’തി? ‘‘രൂപേ ഖോ, രാധ, യോ ഛന്ദോ യോ രാഗോ യാ നന്ദീ യാ തണ്ഹാ യേ ഉപയുപാദാനാ ചേതസോ അധിട്ഠാനാഭിനിവേസാനുസയാ – അയം വുച്ചതി ഭവനേത്തി. തേസം നിരോധോ 3 ഭവനേത്തിനിരോധോ. വേദനായ… സഞ്ഞായ… സങ്ഖാരേസു … വിഞ്ഞാണേ യോ ഛന്ദോ…പേ॰… അധിട്ഠാനാഭിനിവേസാനുസയാ – അയം വുച്ചതി ഭവനേത്തി. തേസം നിരോധോ ഭവനേത്തിനിരോധോ’’തി. തതിയം.
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨-൧൦. സത്തസുത്താദിവണ്ണനാ • 2-10. Sattasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨-൧൦. സത്തസുത്താദിവണ്ണനാ • 2-10. Sattasuttādivaṇṇanā
