| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. བྷཝནེཏྟིསུཏྟཾ
3. Bhavanettisuttaṃ
༡༦༢. སཱཝཏྠིནིདཱནཾ། ཨེཀམནྟཾ ནིསིནྣོ ཁོ ཨཱཡསྨཱ རཱདྷོ བྷགཝནྟཾ ཨེཏདཝོཙ – ‘‘‘བྷཝནེཏྟིནིརོདྷོ 1, བྷཝནེཏྟིནིརོདྷོ’ཏི 2, བྷནྟེ, ཝུཙྩཏི། ཀཏམཱ ནུ ཁོ, བྷནྟེ, བྷཝནེཏྟི, ཀཏམོ བྷཝནེཏྟིནིརོདྷོ’’ཏི? ‘‘རཱུཔེ ཁོ, རཱདྷ, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཡུཔཱདཱནཱ ཙེཏསོ ཨདྷིཊྛཱནཱབྷིནིཝེསཱནུསཡཱ – ཨཡཾ ཝུཙྩཏི བྷཝནེཏྟི། ཏེསཾ ནིརོདྷོ 3 བྷཝནེཏྟིནིརོདྷོ། ཝེདནཱཡ… སཉྙཱཡ… སངྑཱརེསུ … ཝིཉྙཱཎེ ཡོ ཚནྡོ…པེ॰… ཨདྷིཊྛཱནཱབྷིནིཝེསཱནུསཡཱ – ཨཡཾ ཝུཙྩཏི བྷཝནེཏྟི། ཏེསཾ ནིརོདྷོ བྷཝནེཏྟིནིརོདྷོ’’ཏི། ཏཏིཡཾ།
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༡༠. སཏྟསུཏྟཱདིཝཎྞནཱ • 2-10. Sattasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༡༠. སཏྟསུཏྟཱདིཝཎྞནཱ • 2-10. Sattasuttādivaṇṇanā
