| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೩. ಭವನೇತ್ತಿಸುತ್ತಂ
3. Bhavanettisuttaṃ
೧೬೨. ಸಾವತ್ಥಿನಿದಾನಂ। ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ರಾಧೋ ಭಗವನ್ತಂ ಏತದವೋಚ – ‘‘‘ಭವನೇತ್ತಿನಿರೋಧೋ 1, ಭವನೇತ್ತಿನಿರೋಧೋ’ತಿ 2, ಭನ್ತೇ, ವುಚ್ಚತಿ। ಕತಮಾ ನು ಖೋ, ಭನ್ತೇ, ಭವನೇತ್ತಿ, ಕತಮೋ ಭವನೇತ್ತಿನಿರೋಧೋ’’ತಿ? ‘‘ರೂಪೇ ಖೋ, ರಾಧ, ಯೋ ಛನ್ದೋ ಯೋ ರಾಗೋ ಯಾ ನನ್ದೀ ಯಾ ತಣ್ಹಾ ಯೇ ಉಪಯುಪಾದಾನಾ ಚೇತಸೋ ಅಧಿಟ್ಠಾನಾಭಿನಿವೇಸಾನುಸಯಾ – ಅಯಂ ವುಚ್ಚತಿ ಭವನೇತ್ತಿ। ತೇಸಂ ನಿರೋಧೋ 3 ಭವನೇತ್ತಿನಿರೋಧೋ। ವೇದನಾಯ… ಸಞ್ಞಾಯ… ಸಙ್ಖಾರೇಸು … ವಿಞ್ಞಾಣೇ ಯೋ ಛನ್ದೋ…ಪೇ॰… ಅಧಿಟ್ಠಾನಾಭಿನಿವೇಸಾನುಸಯಾ – ಅಯಂ ವುಚ್ಚತಿ ಭವನೇತ್ತಿ। ತೇಸಂ ನಿರೋಧೋ ಭವನೇತ್ತಿನಿರೋಧೋ’’ತಿ। ತತಿಯಂ।
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨-೧೦. ಸತ್ತಸುತ್ತಾದಿವಣ್ಣನಾ • 2-10. Sattasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೨-೧೦. ಸತ್ತಸುತ್ತಾದಿವಣ್ಣನಾ • 2-10. Sattasuttādivaṇṇanā
