| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. ဘဝနေတ္တိသုတ္တံ
3. Bhavanettisuttaṃ
၁၆၂. သာဝတ္ထိနိဒာနံ။ ဧကမန္တံ နိသိန္နော ခော အာယသ္မာ ရာဓော ဘဂဝန္တံ ဧတဒဝောစ – ‘‘‘ဘဝနေတ္တိနိရောဓော 1, ဘဝနေတ္တိနိရောဓော’တိ 2, ဘန္တေ, ဝုစ္စတိ။ ကတမာ နု ခော, ဘန္တေ, ဘဝနေတ္တိ, ကတမော ဘဝနေတ္တိနိရောဓော’’တိ? ‘‘ရူပေ ခော, ရာဓ, ယော ဆန္ဒော ယော ရာဂော ယာ နန္ဒီ ယာ တဏ္ဟာ ယေ ဥပယုပာဒာနာ စေတသော အဓိဋ္ဌာနာဘိနိဝေသာနုသယာ – အယံ ဝုစ္စတိ ဘဝနေတ္တိ။ တေသံ နိရောဓော 3 ဘဝနေတ္တိနိရောဓော။ ဝေဒနာယ။ သညာယ။ သင္ခာရေသု ။ ဝိညာဏေ ယော ဆန္ဒော။ပေ.။ အဓိဋ္ဌာနာဘိနိဝေသာနုသယာ – အယံ ဝုစ္စတိ ဘဝနေတ္တိ။ တေသံ နိရောဓော ဘဝနေတ္တိနိရောဓော’’တိ။ တတိယံ။
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၁၀. သတ္တသုတ္တာဒိဝဏ္ဏနာ • 2-10. Sattasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၁၀. သတ္တသုတ္တာဒိဝဏ္ဏနာ • 2-10. Sattasuttādivaṇṇanā
