| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૩. ભવનેત્તિસુત્તં
3. Bhavanettisuttaṃ
૧૬૨. સાવત્થિનિદાનં. એકમન્તં નિસિન્નો ખો આયસ્મા રાધો ભગવન્તં એતદવોચ – ‘‘‘ભવનેત્તિનિરોધો 1, ભવનેત્તિનિરોધો’તિ 2, ભન્તે, વુચ્ચતિ. કતમા નુ ખો, ભન્તે, ભવનેત્તિ, કતમો ભવનેત્તિનિરોધો’’તિ? ‘‘રૂપે ખો, રાધ, યો છન્દો યો રાગો યા નન્દી યા તણ્હા યે ઉપયુપાદાના ચેતસો અધિટ્ઠાનાભિનિવેસાનુસયા – અયં વુચ્ચતિ ભવનેત્તિ. તેસં નિરોધો 3 ભવનેત્તિનિરોધો. વેદનાય… સઞ્ઞાય… સઙ્ખારેસુ … વિઞ્ઞાણે યો છન્દો…પે॰… અધિટ્ઠાનાભિનિવેસાનુસયા – અયં વુચ્ચતિ ભવનેત્તિ. તેસં નિરોધો ભવનેત્તિનિરોધો’’તિ. તતિયં.
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨-૧૦. સત્તસુત્તાદિવણ્ણના • 2-10. Sattasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨-૧૦. સત્તસુત્તાદિવણ્ણના • 2-10. Sattasuttādivaṇṇanā
