| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
३. भवनेत्तिसुत्तं
3. Bhavanettisuttaṃ
१६२. सावत्थिनिदानं। एकमन्तं निसिन्नो खो आयस्मा राधो भगवन्तं एतदवोच – ‘‘‘भवनेत्तिनिरोधो 1, भवनेत्तिनिरोधो’ति 2, भन्ते, वुच्चति। कतमा नु खो, भन्ते, भवनेत्ति, कतमो भवनेत्तिनिरोधो’’ति? ‘‘रूपे खो, राध, यो छन्दो यो रागो या नन्दी या तण्हा ये उपयुपादाना चेतसो अधिट्ठानाभिनिवेसानुसया – अयं वुच्चति भवनेत्ति। तेसं निरोधो 3 भवनेत्तिनिरोधो। वेदनाय… सञ्ञाय… सङ्खारेसु … विञ्ञाणे यो छन्दो…पे॰… अधिट्ठानाभिनिवेसानुसया – अयं वुच्चति भवनेत्ति। तेसं निरोधो भवनेत्तिनिरोधो’’ति। ततियं।
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २-१०. सत्तसुत्तादिवण्णना • 2-10. Sattasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २-१०. सत्तसुत्तादिवण्णना • 2-10. Sattasuttādivaṇṇanā
